12 nyied 17 hauh, Gunghcwngz Yauzcuz Swciyen Cinghsaunenz Hagseng Roghag Hozdung Cungsim youq yienhsingz Daihsam Siujyoz gawjbanh 2016 nienz daengx yienh hagseng iq “hoh yenzdan” yienhciengz sawveh doxdax. ca mbouj geijlai 160 boux hagseng daiqbiuj daj gak aen yanghcin daeuj haenx camgya doxdax.

Mbat doxdax neix gij muzdiz de dwg fatyiengz gij doxdaiq ndei guek raeuz, gaijndei hagdangz vwnzva heiqfaenh, daezsang lauxsae caeuq hagseng sinjmeij suciz, vatcimh gij rengzndumj gyoengq lauxsae caeuq hagseng, gung gij naengzlig gyoengqde rox gyaeu、raen gyaeu、 cauh gyaeu, gujli gyoengqde dawz gij seiz mbouj hwnjdangz lai dwkhaeuj gij bonjfaenh gag haengj engqgya cikgig mizik bae, doxdax neiyungz dingzlai dwg fatyiengz Cungguek conzdungj vwnzva, hawj gyoengqde ndiep guekcoj caeuq ndiep vanzging veiswngh.

(Liengz Veih/梁 辉）