Mboengqneix, Guengjsae Vwnz- vadingh goengbouh Guengjsae buek daihroek swcigih gaep feihvuzciz vwnzva yizcanj daibyaujsing hanghmoeg mingzloeg gungh 137 hangh, 《Dinfwngz Nyumx Baengzdoj Mulaujcuz》Lozcwngz Mulaujcuz Swciyen senj soengq haenx ndaej senjhaeuj loih dinfwngz conzdungj feihvuzciz vwnzva yizcanj daibyaujsing hanghmoeg mingzloeg.

Dinfwngz nyumx baengzdoj Mulaujcuz youq Ciuhdangz hainduj, youq seiz Mingz Cingh hwng. Baengz- doj Mulaujcuz ginggvaq laenzfaiq、 dozmae、 baizmae、 daemjbaengz, nyumx baengzdoj Mulaujcuz miz romj nyumx baengz、ywdoj nyumx baengz、 caeb nyumx daengj. Baengzdoj Mulaujcuz nyumx gvaq haenx nanwd naih yungh, miz gij daegdiemj seizdoeng raeuj seizhah sangj, doeng heiq sup hanh daengj. Baengzdoj Mulaujcuz ndaej nyib guh haujlai doxgaiq, daejhaiz soengq hawj bouxlaux haenx、 aen nda daxdaiq soengq hawj daeglan haenx、gij doxgaiq gyoengq dahsau bae bo soengq hawj bouxyoux dinghcingz haenx……danghnaeuz youq gwnz doenghgij baengzdoj neix yungh sei saek siuq doz va、 nywj、 non、 roeg daengj, engq ndeiyawj、 caen lumjlili.

Gaenh bi neix daeuj, Lozcwngz nyinhcaen gvancez gij guhhong fuengcim “baujhoh guhcawj、 ciengj- gouq daih’it, hableix leihyungh、 swnjcienz hwngfat”, cietsaed guh ndei hong baujhoh、 guenjleix caeuq swnj- cienz feihvuzciz vwnzva yizcanj daibyaujsing hanghmoeg. Cujciz guh bujcaz feihvuzciz vwnzva yizcanj, vatcimh cingjleix feihvuzciz vwnzva yizcanj hanghmoeg 1015 aen, laeb yienh gaep “feihyiz” baujhoh mingz- loeg dijhi, ciet bae bo Mulaujcuz、 guh guenqmeizsa daengj 10 aen hangh- moeg ndaej liedhaeuj si gaep “feihyiz” baujhoh mingzloeg; gogeq Mulaujcuz、 dinfwngz dajsiuq Mulauj- cuz、 fouxlungzfiengz Mulaujcuz ndaej liedhaeuj swcigih gaep “feihyiz” baujhoh mingzloeg; ciet yihfan Mulaujcuz ndaej liedhaeuj guekgya buek daeuz “feihyiz” baujhoh mingz- loeg.

(Veiz Yuzdai/韦如代)