12 nyied 2 daengz 4 hauh, yenz- swnghdai fouxgyongraez Yauzcuz comzyienj nem baenzdauq siujsoq minzcuz vwnzva hozdung(ciet Buenz- vuengz Yauzcuz) youz Hocouh Si Minzveij cawjbanh haenx youq Hocouh Si banh. Hocouh Si fusicangj Yi Fangh, Siveij fumisuhcangj Se Mozsungh, Si Yinzminz Cwngfuj fumisuhcangj Liuz Ningz, Siveij Dungjcanbu cangzvu fubucangj Loz Hungz; Si Minzveij cujyin Cinz Wnhsenh; Guengjsae Sam Nyied Sam Cazcise, Guengjsae Minzcuz Bause, Guengjsae、 Guengjdoeng、 Huznanz、 Gveicouh daengj swngj(gih) 20 lai aen si、 yienh minzcunghgiz lingjdauj caeuq vunzlai daengj 1000 lai boux caez yawjngonz le comzyienj hozdung.

12 nyied 2 hauh banhaemh, Hocouh Si Lingzfungh Gvangjcangz vunz lai vunz daih. 《Yauz·Goek》 youz Hocouh Minzcuz Lijyouz Cizyez Gisuz Hagdangz biujyienj haenx hainduj le baez comzyienj neix. Riengzlaeng, yenzswnghdai diuqfoux 《Fouxgyongraez Guh Ranz》 doeng- gvaq diuqfoux langhbaij le lwglan Yauzcuz ginggvaq geizraez senj dieg ra diegyouq, raemj faex guh ranz, guh hong daengj; yenzswnghdai gofoux 《Fouxgyongraez Aenvenz》《Fouxgyongraez Yauzdoj》《Swnjcienz Fouxgyongraez Gaeuyiengz》 fanjyingj le gij yinxdaeuz daegbied Yauzcuz Hocouh; gofoux 《Gyong Doengh Byayauz》 youz guekgya gaep feih- vuzciz vwnzva yizcanj mingzloeg 《Fouxgyongraez Yauzcuz》 caeuq fouxsaemeuz Yauzcuz gagmiz haenx dox giethab haeujdaeuj haenx, mboujdan baujlouz le gij ndei conzdungj fouxgyongraez Yauzcuz, hix engq ndei yawjngonz caeuq miz seizdaihgamj, ndaejdaengz gyoengq bouxyawj haengjgyaez. Doenghgij cezmuz ndeiyawj neix, cungfaen baijyienj le gij yinxdaeuz vwnzva Yauzcuz Hocouh, ndaej- daengz bouxyawj bekfwngz haenh. Ndangdaenj Yauzcuz hix dwg gij vwnzva dijbauj cojcoeng Yauzcuz ce roengzdaeuj, gij buhvaq saek rongh- sagsag haenx baijyienj le beixnuengx Yauzcuz gyaepgouz saedceij ndei.

Fouxgyongraez Yauzcuz lizsij gyaenanz, miz vwnzva naekna, dingz- lai fouxgyongraez fanjyingj le gij guh hong doxdaeuq、saedceij fungsug vunz Mbanjyauz, fanjyingj le gij maqmuengh beixnuengx Yauzcuz, gig miz funggek daegbied gagmiz Yauzcuz. Youq ngoenzciet conzdungj Yauzcuz、ngoenz angqhoh fungsou、 ngoenz haeujranz、 ngoenz baenzgya、 caeqbaiq Buenzvuengz daengj hoz- dung beixnuengx Yauzcuz ciengzseiz diuq fouxgyongraez. Bi 2007, foux- gyongraez Yauzcuz Fuconh Hocouh Guengjsae ndaej Gozvuyen liedhaeuj guekgya gaep feihvuzciz vwnzva yizcanj mingzloeg. Seizneix, foux- gyongraez Yauzcuz gaenq bienqbaenz hangh guh’angq hozdung vunzlai aen si neix he.

12 nyied 3 daengz 4 hauh, baenzdauq siujsoq minzcuz vwnzva hozdung(ciet Buenzvuengz Yauzcuz) youq Bazbu Gih Budouz Cin Vangzsiz Cunh banh, yinx ndaej haujlai bouxhek caeuq vunzmbanj mbanj henzgyawj daeuj yawjngonz. Youq hozdung yienhciengz, gyoengq beixnuengx Yauzcuz ndang daenj buhvaq minzcuz caeuq gyoengq bouxhek ciengq go diuq foux. Caeqbaiq Buenzvuengz、 Buenz- vuengz cunzyouz、 yenzswnghdai gofoux ndawbiengz baijyienj、 gwn ngaiz daizraez Yauzcuz daengj siujsoq minzcuz vwnzva hozdung hawj gyoengq bouxhek daejniemh daengz le gij yinxdaeuz vwnzva Yauzcuz, gvaq mbat yinx daejniemh Yauzcuz vwnzva he.

Hocouh Si dwg aen dieg lai minzcuz comzyouq he, ndawde miz Gun、Cuengh、 Yauz Myauz daengj 19 aen minzcuz, gungh 235 fanh gyaeujvunz. Ndawde, siujsoq minzcuz miz 34 fanh gyaeujvunz, ciemq daengx si gyaeujvunz 15 %. Gaenh geij bi neix daeuj, aen si neix gak gaep dangjveij cwngfuj gig yawjnaek dieg siujsoq minzcuz comzyouq ginghci gwnzbiengz hwngfat, haenq- rengz hwngfat vwnzva minzcuz, daengx si minzcuz doxgiet、 vwnzva hwngfat ndei. Youq yamqdin lizsij hwngat, aen si neix gak aen siujsoq minzcuz mboujdan caux ok le gij vuzciz cwngzgoj gig lai, hix dajcauh caeuq hwngfat le gij vwnzva ronghsag gag miz daegsaek haenx. Siveij、 si yinzminz cwngfuj soqlaiz gig yawj- naek siujsoq minzcuz ginghci gwnzbiengz hwngfat caeuq baujhoh caeuq swnjcienz siujsoq minzcuz daegsaek vwnzva. “Cibngeih haj” doxdaeuj, daengx si gungh bued roengz ngaenzcienz 9 ik lai maenz bang dieg siujsoq minzcuz comzyouq hwnjguh giekdaej sezsih, caenh- itbouh gaijndei gij diuzgienh guh hong saedceij vunzlai gak cuz; yenzgiu ceiqdingh le baenzdauq cwngcwz swnjcienz baujhoh vwnzva maenhndei siujsoq minzcuz, cietsaed gyagiengz hong vatcimh caeuq baujhoh feihvuzciz vwnzva yizcanj siujsoq minzcuz, gaenxmaenx caux- laeb gizdieg swnjcienz vwnzva siujsoq minzcuz, vih baujhoh caeuq hwngfat vwnzva siujsoq minzcuz caux ok le diuzgienh ndei. Baez hozdung neix, doiq vatcimh gij swhyenz vwnzva siujsoq minzcuz, doidoengh baujhoh caeuq hwngfat siujsoq minzcuz vwnzva, coicaenh vwnzva siujsoq minzcuz hoenghvuengh、 gwnzbiengz cinbu miz cozyung hungloet.