Meh gou ya meh gou,

Mbwn sou mwngz doxdauq.

Gou gwn cai soujhauq,

Dauq daeuj boiz cingz mwngz.

我母呀我母，天收你回去。

我吃斋守孝，来还你恩情。

Ngeihcib seiq hengzhauq,

Ciuhgonq couh caux baenz.

Gou hai cienz hai ngaenz,

Vanz aencingz hawj meh.

二十四行孝，以前就造好。

我开钱开银，还恩情给母。

Ngeihcib seiq hengzhauq,

Caux gyauq ce ciuhlaeng.

Ranz gou mbouj miz faengz,

Haengj vanz aen hawj meh.

二十四行孝，造教留后人。

我家没遮盖，都还恩给母。

Ciuhgonq son ciuhlaeng,

Bauq daiq da nangzlaeng.

Daeuj vih meh guh daeng,

Gvaqlaeng ndaej fukloeg.

前辈教后辈，报告外婆家。

来为母做灯，过后得福禄。

Meh gou dai gvaqseiq,

Ngoenzneix hai sanglaex.

Gou soujhauq rox laex,

Banh sanglaex boiz cingz.

我母死过世，今日办丧礼。

我守孝知礼，办丧礼还情。

Diemj daeng caiq diemj lab,

Meh dab haeuj yaemgan.

Yungh ngaenz cien ngaen fanh,

Fanh seiq meh mbouj dauq.

点灯又点烛，母踏入阴间。

用千万钱财，万世母不回。

Cingzngeih meh naek lai,

Dai daengz gou yaek geiq.

Biengj meh gou ngoenzneix,

Cog fouqgviq dauq laeng.

母亲情义重，死了我要记。

母丧礼今办，将来得富贵。

Cingj sae lienz cingj dauh,

Coengz ginggyauq ndaej caez.

Soengq hawj meh gou bae,

Ndaej ndei cien fanh daih.

请师公道公，诵经教得全。

送我母离去，能好千万代。

Laeuj noh baij rim daiz,

Lwgcing hainduj cuengq.

Daej baenz fwnraq cuengq,

Cuengq mbouj raen meh gwn.

酒肉摆满台，孩子开始祭。

哭如阵雨下，祭不见母吃。

Meh lix gou simhai,

Meh dai gou simnaiq.

Meh lix ranz raeuj lai,

Meh dai ranz heungau.

母活我开心，母死我悲观。

母活家多暖，母死家多冷。

Ngeix daengz baenzngoenz gonq,

Gwn donq meh youh naeuz.

Raen huq gaej caeg aeu,

Vunz naeuz dou mbouj doiq.

想到那从前，吃饭母又说。

见东西别偷，人说咱不对。

Daengq bae caiq daengq dauq,

Coenzhauq meh aeu geiq.

Guh hong caeuq seng’eiq,

Fouqgveiq（gviq） couh daeuj naj.

嘱来再嘱去，母话儿要记。

做工加生意，富贵就来到。

Biengj meh gou ngoenzneix,

Gou geih bak gwn cai.

Lienz nuengx mbwk nuengx sai,

Gwn cai mbouj gwn noh.

母丧礼今办，我忌口吃斋。

连妹妹弟弟，吃斋不吃肉。

Ae sae daenj buh duenh,

Duenhdingh hoh daengz gwnz.

Ae dauh buhlungz dwnj(daenj),

Meh vuenyungz dwn hwnj.

师公穿缎衣，断定护到天。

道公穿龙衣，母亲欢乐走。

Gangj lai couh miz lai,

Meh dai ndaej laep da.

Lwngcing goj baenzgya,

Gijmaz cungj guh ndei.

讲多就有多，母死能瞑目。

孩儿也成家，什么都做好。

Gangj lai couh miz lai,

Nai daengz neix couh ndaej.

Lwgcing doengzcaez daej,

Caiq mbouj ndaej raen meh.

讲多就有多，安慰到此了。

孩儿共同哭，再不能见母。