Gaenh geij bi daeuj，Denzlinz Yen dawz linzyez hwnjguh caeuq gaijndei swnghdai vanzging、coicaenh ndaw yienh ginghci cienjhingz hwngfat dox giethab，roengzsim gungganq、 hableix haifat、gyonjgyoeb leihyungh linzyez swhyenz，daengx yienh linzyez hwngfat yienh’ok aen gizmen ndei.

Aen yienh neix laebdin saedsaeh diegbya，aeu saedhengz doiq reih ndaem faex boiqdauq byafwz caux ndoeng、Cuhgyangh diegfaex fuengz- hen rumzsa caux ndoeng、“heu rim Bazgvei” cauxndoeng loegvaq daengj guekgya caeuq swcigih cungdenj gunghcwngz hanghmoeg hwnjguh guh cujyau caidij，fatdoengh vunzlai haenqrengz ndaem faex caux ndoeng. Doengzseiz，aen yienh neix gyavaiq saedhengz linzgaij cwngcwz，gaenx- maenx dazyinx vunzlai caux ndoeng hoh ndoeng. Dangqnaj，aen yienh neix ndoengfaex cwgoemq bijliz dabdaengz 77.1%；bineix buenq bi gonq daengx yienh guhbaenz caux ndoeng menciz 6.96 fanh moux，ndawde gocoengz、gosamoeg、faexnganqciq miz 4.84 fanh moux，youzcaz miz 1.08 fanh moux，makgaivaiz miz 0.56 fanh moux，mak- hwzdauz miz 0.32 fanh moux，faenfaex dijbauj miz 0.16 fanh moux. Guhbaenz ganq gomiuz menciz 252 moux，ganq gomiuz soqliengh 2430 fanh go.

Vih gya raez diuz lienh canjnieb linzyez，aen yienh neix lij yawjnaek huqndoeng cingsaeq gyagoeng caeuq gyonjgyoeb leihyungh，gyalai gung- ganq giyez gyagoeng faex，gungganq guhhung gij faex cingsaeq gyagoeng canjnieb gohgi hamzliengh sang、fu- gyahciz sang、 swhyenz leihyungh yauliz sang haenx，dawz 54 aen giyez iq，sanq gyagoeng faex haenx cingjhab gungganq baenz 11 aen giyez hung，aen hangznieb gyagoeng faex canjciz demgya daengz 9.66 ik maenz，cauxbaenz aen gij doxgaiq gyagoeng faex dijhi aeu benj faex hab caeuq benj swnghdai guhcawj he.

（Yenj Cinbyauh/冉俊彪）