11 nyied 18 hauh, youq Lozcwngz Mulaujcuz Swciyen minzcuz vwnzva gvangjcangz,“eu fwen ciengqyiengj bingzan Hozciz”cetcunz senhconz hoz- dung cingq youq gizhaenx yienjok. Mbat hozdung neix dwg iucingj Gvangjsih fwenvuengz yungh cungj vunzlai gyaez yawj haengj dingq eu fwen cungj hingzsik neix ma senhconz bingzan Hozciz、fazci Hozciz, caenh’itbouh gyagiengz hong cwngfaz cunghci sinfangj veizvwnj fanj cezgyau, daezsang gyoengq vunzlai fazci yisiz, hawj bouxboux cungj rox hong bingzan caeuq daeuj camgya hong bingzan, caepguh caezgya yiengjsouh cungj hong an’onj gwzgiz neix.

(Vuz Siuhyi/吴修奕)