Gyoengqvunz gwn laeuj vih- maz aeu boi doxdeng ne? Aen saeh neix aiq mbouj miz geijlai vunz rox.

Cienznaeuz, seizgonq gyoengq- vunz gwn laeuj mbouj yungh boi doxdeng, “da” cap youq gwnz naj yawjraen gij laeuj cingcing cujcuj, “ndaeng” hix mup daengz gij feih laeuj rangrang, “bak” ndaej ndoet gij laeuj rangrang roengz hoz bae, gyoengqde sam boux cungj ndaej yiengjsouh gij laeuj yinx neix, ngamq dwg “rwz” gijmaz hix mbouj ndaej yiengjsouh, ndigah, de couh caeuq bouxdaeuz vujgvanh “ndang” naeuz yigen swhgeij okdaeuj.

“Ndang” doxcomz gyoengq vunzlai daeuj hai aen hoih ndeu, daujlun gwn laeuj aen saeh neix baenzlawz hawj “rwz” hix ndaej yiengjsouh laeuj yinx, vunzlai gak boux cungj gangj yigen swhgeij, rienglaeng doengzcaez gietdingh hawj gyoengqvunz gwn laeuj seiz aeu boi doxdeng, hawj “rwz” hix dingq ndaej gij sing’yaem. Daj seizhaenx hwnj, gyoengqvunz gwn laeuj seiz cungj aeu boi doxdeng, aen sibgvenq itcig daeuj daengz seizneix.