Bonjbauq siusik (gicej Cau Dwzfeih) Mboengqneix, bien lunvwnz daezmoeg dwg 《Ngeixnaemj Gizdieg Minzcuz Haiguh Son’gyauq Boux- buenxsaemj Beksingq Song Vah Saw》 ndaejdaengz 30 lai aen guekgya、 sengj、 si gaep vangjcan gvansim cienj daeng, bien faenzcieng neix youz Guengjsae Minzcuz Daihhag Fazcanj Gveihvacu gohcangj Gauh Veiginh caeuq Namzningz Si Sihyanghdangz Gih Yinzminz Fazyen bouxbuenx- saemj、 Namzningz Si Gohhez laux veiyenz Gauh Cicangh sij.

Bien faenzcieng neix daj dungx- caiz baujcang、 cauxmoq saedhengz、 gaemdawz seizndei daengj 3 aen fuengmienh gangjgej gij youqgaenj son’gyauq song vah saw youq seiz guhhong buenxsaemj.

Bien faenzcieng neix daeng youq 《Fapceih Caeuq Ginghci》 bi 2016 geiz 5, faenzcieng fat doeklaeng, Hozciz Si Cunghgiz Yinzminz Fazyen Vangj 《Fazgvanh Lundanz》 daiqdaeuz cienj daeng daengx bien, riengzlaeng Cungguek Minzcuz Cunghgyau Vangj、 Cungguek Sevei Gohyoz Vangj、Cungguek Fazyen Vangj、 Cungguek Saemjbuenq Vangj、 Guengjsae Fazyoz Vangj、 Guengjsae Fazyen Vangj、 Guengjsae Cwngfuj Fazci Vangj、 Guengjsae Minzyijveij Vangj、 Guengjsae Minzcuz Bau Vangj、 Namzningz Fazyoz Vangj、 Hwz- lungzgyangh Fazyozvei Vangj、 Nei- mungzguj Fazyozvei Vangj daengj 30 lai aen vangjcan lienzdaemh cienj daeng.

Bien faenzcieng neix ndaejdaengz gwnzbiengz caeuq lauxhangz nyinh- doengz. Vihneix, Cungguek Fazyozvei Vangj daeng fat le bien faenzcieng daezmoeg heuhguh 《Namzningz Si Sihyanghdangz Gih Fazyen Cauxmoq Guhhong Gihci Gaenxmaenx Fatok Gij Cozyung Cauxmoq Veiyenz Fazyozvei Youq Seiz Guhhong Buenxsaemj》, Guengjsae Fazyoz Vangj daeng le 《Namzningz: Gaenxmaenx Fatok Gij Cozyung Cauxmoq Veiyenz Fazyozvei Youq Seiz Guhhong Buenxsaemj》 bauqlwnh bien faenzcieng neix.