Majsanh Yen（马山县）： Genhciz Eifap Bae ceihguek, Ndaw Singz Mbanjlueg Cungj Vwnzmingz

坚持依法治国，刮起文明乡风

Yaek son’gyauq swjnij,

Rox fazgij,

Gaej byaij giz lohlaep;

Ciengjgiep rox guhcaeg,

Cix deng daep,

Fazyen yaek buenqhingz.

要教育子女，知法纪，促其走正道；

抢劫或偷盗，没法闹，法院要判刑。

Caeuq gekleiz huzndei,

Hab sim’eiq,

Yaek doengzcaez doxnyiengh;

Vahrwix mbouj ndaej mieng,

Heih deng sieng,

Sieng vunz cix famh fap.

与邻里和好，生死交，要互敬互让；

恶语不能讲，易中伤，伤人是违法。

Vwnhyinhfaz gvidingh,

Dwg faplingh,

Baenzgya dingh bi rim;

Mbwk cix ngeihcib cin,

Mbouj ndaej binj,

Sai rim ngeihcib ngeih.

婚姻法规定，叫律令，成家要年满；

女二十岁满，不能砍，男满二十二。

Gvanbaz gaej gyawjcaen,

Ndei bae laeng,

Gietvaen yaek lingx cingq;

Langh(danghnaeuz) miz yizconzbing,

Bae ywbingh,

Cinj dingh gaej gietvaen.

夫妻非近亲，倡优生，结婚要领证；

如有遗传病，访医生，诊定莫结婚。

Senglwg yaek giva,

Gaej laepda,

Mbouj veizfaz luenhlaiz(guh);

Guekgya hawj geijlai,

Mwngz wnggai,

Ciuq gaiq fap bae guh.

生育要计划，法为大，莫违法乱来；

国策要几胎，你应该，按照来办理。

Langh hai dohlahgei(gih),

Miz fap ei,

Cij cae naz rag huq;

Yinh hek buethuhu,

Cix deng luq,

Gyauhgingj rux(niuj) bae fad.

若驾拖拉机，有法依，只耕田拉料；

载客路上跑，违法了，交警必惩罚。

Langh mwngz cawx giceh,

Riuhehe,

Laeuj mehseh(fiz) gaej bae;

Gak cungj cwngcau caez,

Soujsuz ndei,

Eifap diendeih gvangq.

若买来汽车，心虽乐，酒后别驾驶；

各种证照齐，手足实，依法天地宽。

Ok dou cix yawj mbwn,

Yamqdin vwnj(onj),

Doenghgij rwix gaej cimz;

Fanj dangj fanj yinzminz,

Lumj gaeng lingz,

Itdingh gaej bae guh.

出门看天色，稳猎涉，邪恶莫去近；

反党反人民，如兽禽，小心触刑律。

Gekleiz doxceng saeh,

Gaej luenh geiq,

Ra cunhveij daeuj gej;

Langh yaek yiengq gwnz cej,

Gaej luenh nyex,

Ra conhyez bouhmonz.

与邻里纠纷，莫暗吞，找村委调解；

若需往上扯，别牵惹，找专业部门。

Ciq ngaenz hawj bouxwnq,

Gaej yungh lumz,

Cam vunz aeu cedauz(cediuz);

Daengz mwh yaek aeu dauq,

Gaej lumz nauq,

Mauh song bi fouzyauq.

借钱给人家，莫大哈，记得拿借条；

到期要追讨，勿忘了，超两年无效。

Doenghduz yaek guenj ndei,

Gaej luenh cuengq,

Sieng vunz couh vaih soq(saeh);

Faplwd gangj mingzgoz,

Caen gangj soh,

Famh fap goj nanz deuz.

动物要管紧，莫打盹，伤人必担责；

法律定明确，动真格，犯法得领刑。

Caenyoux famh fap le,

Gaej hoh de,

Heuh de bae douzanq;

Luenh yo rox bauhban,

Suenq doengzanq,

Ciuqyiengh famh hingzliz.

亲友犯刑法，别护他，要劝他投案；

窝藏或包办，论同案，照样犯刑律。

Yinzgenz souh baujhu(hoh),

Hozbingz guh,

Mbouj vujyuz feijbang;

Yinzgwz deng vunz hangz,

Miz fap dangj,

Aeu dangq coih bangez.

人权受保护，和平处，不侮辱诽谤；

人格受中伤，法不让，要量刑判决。

Raen doxgaiq bouxwnq,

Simswh vwnj(onj),

Gaej luenh gwn luenh aeu;

Bien leixyouz bae maeuz,

Ngunh ukgyaeuj,

Couh gaeuj(yawj) baenz famh coih.

见人家财物，正心术，勿念去侵吞；

编借口私吞，智利昏，构成诈骗罪。

Huq gyaq yienznaeuz ndei,

Gaej luenh ngeix,

Rox le gaej bae cawx;

Danghnaeuz dawz hwnj haw,

Couh deng dawz,

Buenqcawq mwngz sam bi.

赃物价虽低，莫希冀，知道别买卖；

一旦经手来，公诉挨，判三载不值。（caengz sat）