Youq raeblaeng mbawsiengq, de yawjraen fuk deihdoz yungh fwngz ved he. Caenhmiz boh’au rox Sinj Nwngznwngz ndoj youq gwnz goengqbya neix, mbaw deihdoz neix mbouj dwg boh’au ved youh dwg bouxlawz ved dem?

Veiz Yindonz cug ndei Bouxbiz caeuq Roethaeu boh’au cingj daeuj gaj Sinj Nwngznwngz haenx, yienzhaeuh byaij okbae.

Rog dou laepcupcup, yawj mbouj raen saek yiengh. Veiz Yindonz yaem din yaem fwngz, yawj coh seiqhenz, cungj mbouj raen saek giz rongh daeng. De nyaenj rongh aendienhdoengz, doq ciuq doq daj sing daemq daengz sing sang hemq:“Suh Niuz, Suh Niuz! Cejsinj, Cejsinj!”

Youq baih diengzhaex henz rongzgaeq, de dingqnyi gij singyaem Sinj Nwngznwngz daj ndaw diengzhaex cienz okdaeuj:“Daegdonz, dwg mwngz lwi?”

“Dwg gou. Cejsinj, mwngz cuengqsim okdaeuj ba.”

Sinj Nwngznwngz lausumsum daj ndaw diengz- haex okdaeuj, coemj coh Veiz Yindonz, got dawz de. Veiz Yindonz gagnyinh ngaiz got dwk maenhsaed raixcaix, boux mehmbwk got de haenx lij saenzdedded, siengj hwnjdaeuj haxbaenh de biet- dingh ngaiz hwk gvaq lo.

“Suh Niuz ne? Mwngz yawjraen de lwi?”

Sinj Nwngznwngz naeuz:“Mbouj rox. Hoeng gou youq ndaw diengzhaex dingqnyi baihrog song boux vunz, Siujniuz caeuq Nonhung, gangj le geij coenz vah. Yienzhaeuh songde lumjbaenz doxmoeb. Sawqmwh gijmaz cungj dingq mbouj nyi lo. Gou lau lai, ndoj youq ndaw diengzhaex mbouj gamj okdaeuj.”

Veiz Yindonz yaengyaeng cengj Sinj Nwngznwngz, hoeng lij gaem dawz fwngz de. De youh hemq aen coh Suh Niuz geij baez, mbouj raen de dapwngq, couh dawz soujgih okdaeuj daj aen dienhvah Suh Niuz.

Dienhvah dwg doeng gvaq, hoeng haujlai nanz cungj mbouj miz vunz ciep.

Sinj Nwngznwngz sawqmwh naeuz:“Gou dingqnyi miz singlingz soujgih!”

“Youq gyawz?”

Swnh Sinj Nwngznwngz dazyinx, Veiz Yindonz caiq bued aen soujgih Suh Niuz baez dem. Dahraix, de dingqnyi singlingz gig sug haenx, dwg diuz go aen giuzdui Sahyinh Suh Niuz gig maij haenx, singgo daj lajdat rwenz hwnjdaeuj.

Veiz Yindonz yien Sinj Nwngznwngz, heux le haujlai nanz, cij heux daengz lajdat. Youq lajdat, fatyienh Suh Niuz doekdat dai haenx, lijmiz Nonhung.

Mbwn ciemhciemh rongh lo. Sinj Nwngznwnngz caeuq Veiz Yindonz naengh youq ndaw gamj, doeknaiq raixcaix. Sinj Nwngznwngz ing youq gwnz ndang Veiz Yindonz bae, daegnuengx de.

“Daegdonz, gij vunz gaj gou haenx, gou naemj dwg boh’au mwngz baij daeuj.”Sinj Nwngznwngz naeuz.

“Miz gou youq, couh mbouj miz vunz gaj ndaej mwngz.”

“Geij boux neix daeuj, gaj mbouj ndaej gou, de itdingh caiq baij vunz daeuj, gaj gou bae cij sat. Gou rox Veiz Senh miz aen bonjsaeh neix. Miz vunz bang de. De guenj gij gvangq haenx, moix boux cawjgvangq cungj dingq vah de. Bouxboux cawjgvangq cungj dajciengx bang vunzyak he.”

“Gou mbouj lau gyoengqde.”

“Gou lijdwg bae lo. Gou youq gizneix, mwngz couh miz yungyiemj. Mwngz henhoh mbouj ndaej gou law.”

“Mwngz yaek ndoj daengz gizlawz bae?”

“Gou miz siengjfap lo. Siengj daengz bae gizlawz lo. Gij siengjfap gou, siengj bae gizdieg haenx, lauheiq ndaej bauj mwngz mboujmiz saeh, hix sawj gou mboujmiz yungyiemj. Ceiq noix, gou mboujcaeq dai.”

“Gizlawz ha?”

“Gvaqlaeng mwngz couh rox.”Sinj Nwngz- nwngz naeuz.

11

Gwnz byasang, seizneix lij miz sam boux vunz. Suh Niuz dai lo, Sinj Nwngznwngz bae lo, youh miz Bouxbiz caeuq Roethaeu haeujdaeuj.

Caengz ndaej rox Cejsinj dwg mbouj dwg ancienz, Veiz Yindonz couh mbouj cuengq Bouxbiz caeuq Roethaeu deuz. De ngoenznaengz cawj ngaiz hawj gyoengqde gwn, miz saek seiz lij gueng gyoengqde gwn dem, aenvih gyoengqde cungj dwg ngaiz cag cug ndang. Bouxbiz ndaq Veiz Yindonz gvaq, naeuz baenzneix gven gyoengqde famh fap. Veiz Yindonz mbouj leixlangh de. Bouxbiz baez ndaq, Veiz Yindonz couh muh cax, gvaqlaeng Bouxbiz couh lauxsaed lo. Bouxbiz lauxsaed le, Roethaeu hix mbouj gamj gangjvah lo.

Aen fazdunggih gaenq coih ndei lo. Veiz Yindonz coih aen fazdunggih, gizsaed dwg siengj fatdienh hawj soujgih cung dienh. Soujgih cung dienh rim le, de couh ndaep fazdunggih bae, mboujguenj banngoenz roxnaeuz dwg banhaemh.

Ngoenzxneix banhwnz, mbwn laepcupcup, Veiz Yindonz naengh youq gwnz rinloet, yawj gij saehmoq ndaw soujgih. Diuz daezmoeg saehmoq he supyinx de lo. Diuz daez haenx dwg baenzneix: Mehyoux Fanj Nduknaeuh Youh Miz Heiqmoq: Sinjmouj Gawjbauq Bohyoux Sou Ngaenzoet, Anhgenh Gizcangj Mboujcaiq Ancienz.

Veiz Yindonz dangyienz aeu yawj bien faenzcieng neix gangj gijmaz lo. Faenzcieng haj bak cih saw cungj mbouj lwnh Sinjmouj heuh Sinj gijmaz, hoeng aen mingzcoh anhgenh gizcangj saeddingh dwg Veiz Senh. Veiz Yindonz duenhdingh Veiz Senh couh dwg boh’au de, yienghneix boux mehmbwk gawjbauq boh’au de haenx haengjdingh couh dwg Sinj Nwngznwngz lo.

De saenq bien faenzcieng haenx dwg caen.

Mbouj geijlai nanz, daj dinbya hwnjdaeuj sam boux vunz. Baezneix dwg gingjcaz caen daeuj.

Gyoengqde daiq Bouxbiz caeuq Roethaeu dauqbae. Dangyienz hix daiq Veiz Yindonz bae. Giz mbouj doxdoengz dwg, Veiz Yindonz ngaiz daiq bae haenx, mbouj ngaiz lamh fwngz. (17 sat)

他在照片的背面，看到了一幅手画的地图。只有叔叔晓得沈能能藏在这座山上，这地图不是叔叔画的又是谁画的呢？

韦运团把叔叔雇请的杀手胖子和臭屁捆好，然后走了出去。

屋子的外边漆黑一片，了无生息。韦运团蹑手蹑脚，四处寻望，都看不见灯火。他摁亮手电筒，边照边由轻到重地唤：“苏牛。苏牛！姐姐，沈姐姐！”

在鸡舍旁厕所的附近，他听到沈能能从厕所里传来的声音：“阿团，是你吗？”

“是我。沈姐姐，你放心出来吧。”

沈能能战战兢兢从厕所里出来，一下子扑向韦运团，抱住他。韦运团感觉到被抱得那么紧，抱着他的女人还在瑟瑟发抖，想必是她受的惊恐不小。

“苏牛呢？你看见他了吗？”

沈能能说：“不知道。但是我在厕所里听到外面两个人，小牛和大虫，说了几句话。然后他俩好像打架。突然什么动静也没有了。我害怕，躲在厕所不敢出来。”

韦运团轻轻推开沈能能，但握住她的手。他又呼了几次苏牛的名字，见没有回应，便拿出手机打苏牛的电话。

电话是通的，但响了几串长音都没人接。

沈能能突然说：“我听到有手机铃声！”

“在哪？”

顺着沈能能的指引，韦运团再次拨打苏牛的手机。果然，他听到熟悉的音乐铃声，那是苏牛崇拜的沙欣所在球队的队歌，高亢激扬地从悬崖的下面传来。

韦运团牵着沈能能，绕了很远，才绕到悬崖下面。在悬崖下面，他发现了摔死的苏牛，还有大虫。

天渐渐亮了。沈能能和韦运团坐在一个岩洞里，无比地沮丧。沈能能依靠着韦运团，她的弟弟。

“阿团，杀我的人，我想是你叔叔派来的。”沈能能说。

“有我在，就没有人杀得了你。”

“这一拨人来，杀不了我，他还会再派人来的，直到把我杀掉。我知道韦先的能耐。他有得是人。他管的那些矿，每个矿主都听他的。每个矿主都养有一批打手。”

“我不怕他们。”

“我还是走吧。只要我在这，你就有危险。你保护不了我。”

“你要躲哪去？”

“我有想法了。想到去的地方了。我的想法，想到去的地方，也许能保你没事，也让我脱险。至少，我不用死。”

“哪里呀？”

“以后你会知道的。”沈能能说。

11

高深的山上，现在还是三个人。走了苏牛，走了沈能能，又住进了胖子和臭屁。

在没有沈姐姐的安全信息之前，韦运团不能放走胖子和臭屁。他得每天给他们弄饭，甚至给他们喂食，因为他们一直被捆绑着。胖子曾经对韦运团提出过抗议，说这是非法囚禁。韦运团没有搭理他。胖子一抗议，韦运团就磨刀，后来胖子就老实了。胖子老实，臭屁自然就安静了。

发动机已经修好了。韦运团修理发动机的目的，其实就是发电给手机充电。手机充满电，他就把发动机熄了，不管白天还是黑夜。

这天深夜，韦运团在黑暗的巨石上坐着，翻看手机上的新闻。一条花边新闻的标题吸引了他。新闻的题目是：情妇反腐老剧新篇：沈某举报贪官情夫 安监局长不再安全。

韦运团当然要看新闻的内容。五百字的新闻内容没有说出沈某的全名，但安监局长的姓名明确是韦先。韦运团断定韦先就是他的叔叔，那么举报叔叔的女人就一定是沈能能了。

他相信这新闻是真的。

果然不久，从山下上来了三个人。这回来的是真的警察。

他们带走了胖子和臭屁。当然也带走了韦运团。唯一不同的是，被带走的韦运团，没有戴手铐。 （17 完）