Mbwk:

Gawqyienz miz sim daeuj doxiu,

Nuengx couh gangj riu mbouj giemhaw;

“Hag Song Guh Ndeu” dwg yienghlawz,

Muengh go gangj hawj dahnuengx dingq.

女：既然诚心来相邀，妹我就来提一条；

“两学一做”是哪样，盼望阿哥教一教。

Sai:

Gawqyienz dahnuengx yienghneix gangj,

Gou couh simsangj naeuz mwngz nyi;

Sien gangj “Hag Song” aen vwndiz,

Yozsiz dangjcangh caeuq dangjgveih.

男：既然妹你这样讲，哥我就来开开腔；

先讲“两学”第一个，学习党规和党章。

Mbwk:

Dangjcangh yozsiz caen ndei lai,

Lijgaij ganghlingj mbouj yungzheih;

Cingj beix caiq gangj diemj daihngeih,

Dwg hag lajdeih rox hag mbwn?

女：党章学习好多遍，理解纲领摆在先；

请哥来讲第二点，是学地上还是天？

Sai:

Mbouj hag gwnzmbwn mbouj hag laj,

Hilez gangjvah dwg cingqdaez;

Hagsib cungdenj aeu gaem ndei,

Swhsiengj seizseiz aeu dungjyiz.

男：不是天来不是地，系列讲话是正题；

学习重点把握好，思想行动要统一。

Mbwk:

Daegbeix mwngz gaenx nuengx hix ak,

Bouxboux gyaez hag sim vuenyungz;

Caiq dawz lijlun daeuj yinghyungh,

Namh henj ndaw rungh hix bienq gim.

女：阿哥也勤妹也勤，哥妹都是爱学人；

再将理论来应用，黄土也会变成金。

Sai:

Hwnj ranz sien aeu daj giek ndei,

Soujsien vat bae gij namh fuz(fouz);

Habgek dangjyenz baenzlawz guh,

Beix muengh dahnuengx gangj baez ndeu.

男：要建房子先打基，要打根基先挖泥；

合格党员怎样做，还望阿妹提一提。

Mbwk:

Dangjyenz baenzlawz cij habgek,

Diuz neix nuengx ndek(vut) hawj beix naeuz;

Dwg canh ngaenz lai bienqbaenz fouq,

Roxnaeuz ngoenzngoenz bae ciengqgo?

女：党员怎样算合格，还望阿哥说一说；

是多挣钱变富裕，还是天天唱红歌？

Sai:

Baenzfouq ciengqgo cungj mbouj loek,

Gvanhgen lij yaek siengj guekgya;

Cwngci gveihgij mbouj guh laq(loek),

Gwnzlaj singjseuq suenq habgek.

男：致富唱歌也不错，关键着眼家和国；

政治规矩都要有，廉洁奉献算合格。

Hab:

Fwencuengh yied ciengq sim yied hai,

Raemxmboq yied raix de yied biu;

“Hag Song Guh Ndeu” ciengq mbouj liux,

Bimoq caiq iu hwnj godaiz.

合：山歌越唱心越开，泉水越挖水越来；

“两学一做”唱不够，明天再搭新歌台。

Yunghningz Gih（邕宁区）：

Haenh Yunghningz

邕宁赞

It haenh Yunghningz deihfueng ndei,

Seiqcawq cungj dwg haeux rim cang;

Mbouj saenq mwngz daengz Yunghningz yawj,

Dienh soengq raemx saw daengz henz naz.

一赞邕宁地方好，到处都是米粮川；

不信你来邕宁看，电灌水利到田边。

Ngeih haenh Yunghningz swnghhoz ndei,

Beixnuengx souhaeuj ndaej lai lo;

Mbanjmbanj hwnj miz ranzlaeuz moq,

Gij fangzhwnzloq baenz dahraix.

二赞邕宁生活好，人均收入大提高；

乡村建有新楼房，农村面貌换新颜。

Sam haenh Yunghningz cwngfuj ndei,

Lingjdauj beixnuengx byaij loh gvangq;

Daiqlingx ginzcung bongh siujgangh,

Swnghhoz van dangz fanh bi raez.

三赞邕宁政府好，领导指明致富路；

带领群众奔小康，幸福生活万年长。

Vunzlai caez haenh Yunghningz ndei,

Vah dinj vah raez doengzcaez gangj;

Vuenyungz mbouj lumz gungcanjdangj,

Baengh dangjcunghyangh aencingz hung.

Vuenyungz mbouj lumz gungcanjdangj,

Baengh dangjcunghyangh aencingz hung.

大家齐赞邕宁好，千言万语讲不齐；

幸福不忘共产党，感谢恩人党中央。

幸福不忘共产党，感谢恩人党中央。（caengz sat）