11 nyied 12 daengz 13 hauh, bi 2016 Guengjsae cungh siuj hagseng minzcuz doxgiet yienjgangj doxdax youq Namzningz banh. Doxdax faen baenz siujyoz cuj、 cuhcungh cuj、 gauhcungh cuj sam aen cuj guh, 126 boux senjsouj daj daengx gih gak si、 yienh(gih) daeuj haenx camgya baez doxdax neix.

Youq aen gaihmusiz, Swcigih Gyauyuzdingh fudinghcangj Sunh Gozyouj cukhoh baez doxdax neix ndaej swnhleih haiguh. De naeuz, minzcuz doxgiet dwg diuz sienq sengmingh gak cuz yinzminz, dwg gij giekdaej ginghci hwngfat caeuq sevei cinbu. Hagdangz minzcuz gyauyuz dwg gij giekdaej minzcuz doxgiet, bouxcoz nyezrauh dwg gij daengzcog guekcoj、 gij maqmuengh minzcuz, dwg bouxciepban yiengh seveicujyi miz Cungguek daegsaek. Itloh gvaq- daeuj, gih raeuz gak gaep gak loih hagdangz gig yawjnaek hong minzcuz doxgiet gyauyuz, dawz minzcuz doxgiet gyauyuz yungzhaeuj hong hagdangz gyauyuz bae, doenggvaq dangzgoq sonhag saedhengz daejniemh, minzcuz vwnzva gyauyuz daengj lai cungj fuengsik, coicaenh gih raeuz minzcuz gyauyuz hwngfat, doiq gak minzcuz doengzcaez doxgiet miz yiyi youq- gaenj .

Yienjgangj doxdax yienhciengz, gyoengq senjsouj bouxboux mbouj vueng mbouj muengz、saenqsim rim- fwdfwd, yungh Vahbujdungh raeuz- rwd haenx gangj gij gojgaeq mizgven minzcuz doxgiet fatseng youq henz- gyawj swhgeij roxnaeuz gij gojgaeq densi meizdij bauqlwnh gvendaengz minzcuz doxgiet haenx, gangj daengz dieg dawzyinx, ndaej daengz yienh- ciengz bouxyawj bekfwngz haenhndei.

Caijfangj seiz, Gveilinz Si Cauz- denz Yangh Cungsim Siujyoz boux- senjsouj iq Yauzcuz Leiz Vanhli doiq gicej naeuz: “Camgya baez yienjgangj doxdax neix, hawj gou rox daengz guek raeuz dwg aen guekgya lai aen minzcuz doengjit he, ndawde miz Gun、 Cuengh、 Myauz、 Yauz daengj minzcuz; doenggvaq doxdax, hawj gou engqgya roxyiuj gak minzcuz, hawj gou roxyiuj gak minzcuz wnggai doxgiet doxbang、 doengzcaez haenq- guh, aeu guekcoj raeuz hwnjguh ndaej engq ndei bae.”

Baez doxdax neix cawjdaez dwg “minzcuz doxgiet”, muzdiz dwg doenggvaq haiguh yienjgangj doxdax, doidoengh hagdangz minzcuz doxgiet gyauyuz guh ndaej laeg guh ndaej gvangqlangh bae, dawz cehfaen minzcuz doxgiet、 gyaez Cunghvaz raeuz vanq haeuj ndaw sim moix boux lwgnyez bae, laeb maenh gij siengjngeix “Bouxgun liz mbouj hai siujsoq minzcuz, siujsoq minzcuz liz mbouj hai Bouxgun, gak siujsoq minzcuz doxliz mbouj ndaej”, dem- giengz gij yisiz “guekcoj nyinh- doengz, Cunghvaz minzcuz nyinh- doengz, Cunghvaz vwnzva nyinh- doengz, Cunghgoz Gungcanjdangj nyinhdoengz, diuz roen seveicujyi miz daegsaek Cungguek nyinhdoengz”, demgiengz minzcuz miznaj caeuq rengzgietcomz, gungganq vunzmoq seizdaih miz dwz ci dij meij lauz cienzmienh hwngfat haenx.

Ginggvaq bingzveij cuj yienh- ciengz bingz faensoq, doeklaeng gak cuj bingzok itdaengjciengj gak 6 boux、 ngeihdaengjciengj gak 12 boux、 samdaengjciengj gak 14 boux. Linghvaih, baez yienjgangj doxdax neix lij miz ciengj boux lauxsae sonyinx dem, lauxsae sonyinx daj boux senjsouj ndaej ciengj haenx senj okdaeuj.