Bouxbiz ngeux gyaeuj, yawj Veiz Yindonz cingq gangjvah haenx, youh byaij gvaqdaeuj ngonzngonz gij byaek gwnz daiz. Nohgaeq gwnz daiz lij baenz duz, nohlab ceuj rangz、raemxdang raet、byaekndoi cungj caengz doengh dawh, lij miz laeuj dem. Gijde cungj rangfwkfwk.

Conghhoz bouxbiz doenghyaebyaeb, naeuz:“Ndei ha.”De heuh song boux doengzsaeh gvaqdaeuj.“Nonhung, Roethaeu! Gvaqdaeuj! Ndoet geij cenj caiq dauqbae!”

Bouxbiz caeuq song boux doengzsaeh Nonhung caeuq Roethaeu, naengh daengz henz daiz. Sinj Nwngznwngz hix ndaej heuh gvaqdaeuj caemh naengh. Veiz Yindonz ndwn youq baihhenz bang gyoengqde dauj laeuj. De heuh Suh Niuz okbae, caiq ceuj geij yiengh byaek.

Bouxbiz、Nonhung caeuq Roethaeu ngaem gyaeuj gwn ngaem gyaeuj ndoet haujlai nanz, cij fatyienh mehsau caemh daiz haenx lumj moegyou nei naengh ndwi youq gizhaenx. Bouxbiz couh naeuz:“Mehsau, mwngz hix ndoet laeuj, buenx dou ndoet.”

Sinj Nwngznwngz naeuz:“Gou gwn imq lo.”

Nonhung naeuz:“Lauxdaih dou heuh mwngz buenx, mwngz couh aeu daeuj buenx! Mwngz mbouj rox dai ha?”

Roethaeu naeuz:“Buenx dou gwn imq ndoet ndei le, dou couh dakdaih mwngz ndei di he, mbouj hawj mwngz dai ndaej baenzneix nanzyawj、nanzgvaq.”

Bouxbiz baez dingq, yawjyawj Sinj Nwngz- nwngz, yawjyawj Veiz Yindonz, sikhaek naeujcingq gij vah Roethaeu:“Gijmaz nanzyawj nanzgvaq? Mehsau neix nanzyawj lwi? Sau lumj Fan Binghbingh nei! Gou nanzgvaq lwi? Laeuj baenz ndei ndoet noh baenz ndei gwn, mwngz raen gou nanzgvaq lwi? Ndaek roethaeu neix, bak lij haeu dem!” Gangj sat, lij fak Roethaeu fajfwngz he.

Veiz Yindonz naeuz:“Daeuj, gou daeuj buenx geij boux gingjgvanh ndoet laeuj!”

Nonhung naeuz:“Mbouj hawj mwngz buenx,”de vix Sinj Nwngznwngz naengh doiqnaj haenx,“couh aeu de buenx!”

Bouxbiz baetbaet fwngz,“ae, doxlumj.” De baet fwngz bienqbaenz vad fwngz,“daeuj daeuj, naengh roengzdaeuj, ndoet!”

Veiz Yindonz naengh youq henznden Sinj Nwngznwngz, daek laeuj, gaendwk boux riengz boux gingq sam bouxsai.

Gij byaekmoq Suh Niuz hix ceuj hwnjdaeuj lo. De lawh gobiuj guh gij hong dakdaih haenx. Bouxbiz laeuj gaeuq gwn imq le, cij vix Suh Niuz、Veiz Yindonz caeuq Sinj Nwngznwngz cam:“Sam boux sou, dwg gijmaz gvanhaeh?”

Veiz Yindonz naeuz:“Cejnuengx.”

Roethaeu naeuz:“O, yienghneix gou rox byawz dwg dahcej lo!” De yawj Sinj Nwngznwngz riuhaha.

Bouxbiz youh fak Roethaeu fajfwngz he,“cedmeh mwngz lij yungh duenz lwi? Caen huk!”Gangj le, swhgeij de hix gag riuhahha lo.

Raen Roethaeu caeuq Bouxbiz baenzneix, Nonhung hix riu lo.

Swnh gyoengqde riunyaen caeuq mbouj haeujsim, Veiz Yindonz sikhaek youq gwnz soujgij daj hangz saw he, daj lajdaiz ndenq hawj Sinj Nwngznwngz. Sinj Nwngznwngz laeglemx yawj gij saw ndaw soujgih: Gyoengqde mbouj dwg gingjcaz dwg daeuj gaj mwngz siengj banhfap buet.

Sinj Nwngznwngz laeglemx boiz soujgih hawj Veiz Yindonz le, ndwn hwnjdaeuj yaek byaij.

Bouxbiz raen lo, “vei, mwngz bae gyawz? Mbouj ndaej doengh!”

Sinj Nwngznwngz naeuz:“Gou bae ok nyouh.”

Bouxbiz doiq Nonhung naeuz:“Bae!”Nonhung ndwn hwnjdaeuj, riengz Sinj Nwngznwngz okbae. Bouxbiz youh hemq roxnaeuz gingjgaeh coenz he,“Nonghung mwngz doiq mehsau lauxsaed di he, gaej lumz lo mwngz dwg gungh’anh! Yinzminz gungh’anh!”Coenzvah de gizsaed dwg gangj hawj Veiz Yindonz caeuq Suh Niuz dingq, siengj hawj gyoengqde cuengqsim. Hoeng gangj sat de dingj mbouj ndaej youh riu lo.

Veiz Yindonz ndaej hoengq laeglemx ndenq soujgih hawj Suh Niuz yawj， Suh Niuz yawj gij saw gwnz soujgih: Gyoengqde mbouj dwg gingjcaz dwg daeuj gaj dahcej siengj banhfap buet.

Suh Niuz sawqmwh got dungx naeuz:“Gou hix bae diengzhaex.”

Bouxbiz naeuz:“Bae ba. Mwngz mbouj yungh vunz buenx.”

Veiz Yindonz raen Suh Niuz okbae le, hix gaenriengz Bouxbiz caeuq Roethaeu lij riunyaen haenx riu hwnjdaeuj.

Sam bouxvunz ndaw ranz louz roengzdaeuj haenx laeddaeb ndoet laeuj. Veiz Yindonz boux he doiq song boux, ndoet song cenj le de naeuz:“Baenzneix mbouj ndaej law, gou boux he doiq sou song boux, mbouj goengbingz.”Bouxbiz naeuz:“Yienghneix baenzlawz cij goengbingz? Gou mbouj ndoet lo. Mwngz caeuq Roethaeu doxbeij.”Veiz Yindonz naeuz:“Dou sam boux caimax, byawz saw youh ndoet youh byaij.” Bouxbiz naeuz:“Baenz.”

Sam boux vunz hainduj caimax，Bouxbiz caeuq Roethaeu cungj saw Veiz Yindonz, laeuj hix dwg song de ndoet lai. Sing caimax yiengjcaca, lumj- baenz duzfangz daej duzmanaez raeuq nei, rwenz baenz daengx rungh.

Bouxbiz caeuq Roethaeu ing youq henz daiz, laeuj fiz cungj mbouj rox gijmaz saeh lo. Veiz Yindonz daj gwnz ndang Roethaeu, fatyienh mid、gaufungbak caeuq fag cungqfwngz gag guh he. Daj ndaw soujgih Bouxbiz, caz raen aen hauhmax boh’au. Youh daj ndaw daeh Bouxbiz ra raen mbawsiengq Sinj Nwngznwngz.

(16)

胖子回头，看看说话的韦运团，走过来看了看桌上的饭菜。桌上有几乎完整的白切鸡、竹笋炒腊肉、菌汤、野蔬菜，还有酒。它们均香味扑鼻。

胖子的喉结动了又动，说：“好吧。”他招呼屋内和屋外的同事，“大虫，臭屁！过来！喝几杯再走！”

胖子和他的外号分别是大虫和臭屁的两个同事，坐在了饭桌旁。沈能能也被叫坐在了一起。韦运团站在旁边伺候，给他们倒酒。他使唤苏牛出去，再炒几个菜。

胖子、大虫和臭屁猛吃猛喝了一轮，才发觉同桌的美女冷冷地坐在那，像座雕塑。于是胖子说：“美女，你也喝，陪我们喝。”

沈能能说：“我吃饱了。”

大虫说：“我们老大叫你陪，你就得陪！不知好歹你。”

臭屁说：“陪我们喝好了，我们也会对你好点，不让你死得那么难看、难受。”

胖子一听，看看沈能能，看看韦运团，立即纠正臭屁的话说：“什么难看难受的？这美女难看吗？漂亮得跟范冰冰一样！我难受吗？那么好喝的酒好吃的肉，你见我难受吗？你这臭屁，还臭嘴！”说完，还给了臭屁一巴掌。

韦运团说：“来，我来陪几位警官喝！”

大虫说：“不要你陪，”他指着对面的沈能能，“就要她陪！”

胖子摆摆手，“哎，一样的。”他摆手变成招手，“来来，坐下，喝！”

韦运团在沈能能身边坐下，斟酒，然后一一给三个男人敬酒。

苏牛炒制的新菜也端了上来。他代替表哥做了伺候人的工作。胖子酒足饭饱，才指着苏牛、韦运团和沈能能问：“你们三个人，是什么关系？”

韦运团说：“姐弟。”

臭屁说：“哦，那我知道谁是姐了！”他看着沈能能哈哈大笑。

胖子又打了臭屁一巴掌，“你他妈的这还用猜吗？真蠢你！”说完，他自己也哈哈笑了起来。

受臭屁和胖子的传染，大虫也笑了。

趁着三个人狂笑和懈怠，韦运团迅速在手机上打了一行字，从桌下把手机递给沈能能。沈能能偷偷看到手机上显示：他们不是警察是来杀你的想办法跑。

沈能能悄悄把手机还给韦运团后，起身移步。

胖子发现了，“喂，你去哪里？不准动！”

沈能能说：“我上厕所。”

胖子对大虫说：“去！”大虫应声起立，随沈能能出去。胖子又追喊或警告了一句，“大虫你对美女放老实点，别忘了你是公安！人民公安！”他这话其实是说给韦运团和苏牛听的，想让他们放心。但说完他忍不住又笑了。

韦运团得以把手机悄悄给苏牛看。苏牛瞟见手机显示：他们不是警察是来杀姐姐的想办法跑。

苏牛突然捂着肚子说：“我也要上厕所。”

胖子说：“去吧。你不用人陪。”

韦运团见苏牛出去了，扑哧也跟着还笑的胖子和臭屁笑。

屋里留下的三个人继续喝酒。韦运团一对二，喝了两轮后说：“这样不得，我一个对你们两个，不公平。”胖子说：“那要怎样才公平？我不喝了。你和臭屁一对一。”韦运团说：“我们三个人猜码，哪个输了又喝又走。” 胖子说：“没问题。”

三个人开始划拳。胖子和臭屁中了韦运团设的圈套，因为他们划拳根本不是韦运团的对手。基本都是胖子和臭屁输，酒也总是他们两个人喝。猜码行令的喊叫声不绝于耳，像是鬼哭狼嚎，划破房屋，冲向夜空。

胖子和臭屁先后歪倒在桌旁，醉得不省人事。韦运团从臭屁的身上，发现了刀、封口胶和一把自制的手枪。从胖子的手机里，查到了叔叔的号码。又从胖子的口袋里找出沈能能的照片。 （16）