Mbwk:

Eifap ceihguek seizdaih moq,

Fanh minz doengz hoh cujcangh ndei;

Miz fap mbouj ei guek luenh bae,

Eifap ceihguek guek engq giengz.

女：依法治国新时代，万民同赞好主张；

有法不依国就乱，依法治国国更强。

Sai:

Ndaw Cungguekmoengh gangj sam hangh,

It gangj guekgya aeu fouqgiengz;

Ngeih dwg minzcuz aeu hwng’vuengh,

Sam dwg vuenyungz hawj lwgminz.

男：中国梦里讲三项，一是国家要富强；

二是民族振兴好，三是人民幸福长。

Mbwk:

Minzcuz hwng’vuengh Cungguekmoengh,

Gunghdoengz fwndou mbouj cuengq fwngz;

Guek fouq minz giengz cij baenz gwn,

Gizgiz hoenghmwn doengz vuenyungz.

女：民族复兴中国梦，共同奋斗不放松；

国富民强心一致，圆梦富裕共繁荣。

Sai:

Aeu Cibbet Daih daeuj yinx roen,

Ndaw mbanj ngoenzngoenz cungj bienq yiengh;

Swnghdai vwnzmingz caeux saedyienh,

Haeux lai ngaenzcienz engqgya lai.

男：十八大精神指引，村里日日换新装；

生态文明早实现，五谷丰登粮满仓。

Mbwk:

Gonqnduj gwndaenj saedcaih hoj,

Ngoenzneix swnghhoz bongh siujgangh;

Gwn bya gwn noh ngoenz sam can(donq),

Mbouj gangj doenghbaez gwn maenzfaex.

女：以前生活苦再苦，如今生活奔小康；

日吃三餐鱼共肉，不像以前吃薯糠。

Ndawsingz lajmbanj cungj bingzdaengj,

Mbouj faen daengjgaep caeuq fouq hoj;

Doengz aen ranz ndeu riuhoho,

Bouxboux ndaw hoz diuz sim ndeu.

城乡平等新社会，不分等级共富贫；

同建中华大家庭，各人各业一条心。

Sai:

Goengloh doeng daengz bakdou ranz,

Suijden mbanjmbanj cungj rag daengz;

Ok dou sam yamq miz ci naengh,

Rap naek mbouj yungh dawz hwnj mbaq.

男：公路通到家门口，水电拉到家门楼；

出门三步有车坐，重担不用上肩头。

Mbwk:

Loh hung bingzbingz vunz gyaez byaij,

Raemxdah saw lai bya gyaez youz;

Lwgminz diegvih sang lai raeuh,

Bouxboux swyouz gag guhcawj.

女：大路平平人爱走，河水清清鱼爱游；

人民地位提高了，当家作主得自由。

Hab:

Ciengq coenz fwencuengh haenh guekcoj,

Lajmbwn vunz gyoh Guengjsae gyaeu;

Bya heu raemx saw Namzningz raeuz,

Singz mbanj seuq raeuh youh cingjcaez.

合：歌颂伟大的祖国，天下美丽是广西；

山清水秀南宁地，清洁城乡又整齐。

Vujmingz Gih(武鸣区)：

Hag Song Guh Ndeu Doengzcaez Ciengq

两学一做共同唱

Mbwk:

Lijlun sanhgoh guh doxbeij,

Vujmingz roeglaej mbin gvaqdaeuj;

Iucingj baihlaj gyoengq fwenyoux,

Gyoengqraeuz doengz daeuj dued ciengjbaiz.

女：理论山歌搞决赛，武鸣麻雀飞过来；

邀请台下众歌友，我们一起夺奖牌。

Sai:

Ndaej nyi sing roeglaej,

Caen ndeidingq singjseuq;

Dingqnyi roegraeu heuh,

Gou daeuj riux(buenx) sing hab.

男：听见麻雀声，歌声好动听；

听见斑鸠唱，我也来和鸣。

Mbwk:

Daegbeix hwnj daiz gou angq lai,

Lumj raen va hai youh baenzyiengh(gyaeundei);

Ngoenzneix cawjdaez baenzlawz ciengq,

Gyoengqraeuz siengliengz daeuj hai sing.

女：哥哥上台我开心，犹如花儿露花芯；

今天主题什么唱，我们一起来开声。

Sai:

Ma byom riengz yiengz luih(buet),

Bya nyauh caez roengz vaengz;

Cawjdaez nuengx dingh yaem,

Beix caeuq ngaenz(nuengx) doengz ciengq.

男：瘦狗跟肥羊，鱼虾齐下江，