Mboengqneix, bi 2016 Cungguek-Dunghmungz Bozlanjvei lijyouz baijyienj youq Gveilinz Gozci Veicanj Cungsim banh haenx, Sanglinz Yen baengh aen bingzdaiz Cungguek-Dunghmungz Bozlanjvei neix, haenqrengz senhconz “ranzlaux Bouxcuengh·Sanglinz ciengxndang” lijyouz binjbaiz, doiok “sam huz it mbanj it suen”lijyouz lenzmungz, doiok Sanglinz fungcingz Bouxcuengh、sienqloh lijyouz、 doxgaiq lijyouz, ndaej daengz gyoengq bouxhek canghseng’eiq Dunghmungz haengjgyaez, yinx ndaej canghseng’eiq gak guek daeuj dajcawx, lienzhaeh doxyaeng doxgap.

Baez lijyouz baijyienj neix Sanglinz Yen daiq bae haujlai vwnzyi biujyienj gig miz daegsaek Bouxcuengh naekna haenx, doenggvaq bouxyienj biujyienj go- foux、 langhbaij ndangdaenj daengj, aeu fungcingz Bouxcuengh yienh’ok youq baihnaj bouxyawj, hawj bouxyawj roxnyinh gij yinxdaeuz fungcingz Boux- cuengh Sanglinz.

（Lij Dauyungj/李道永 Vangz Yaujyenz/黄晓妍）