10 nyied 16 hauh gyanghaemh, Gvangjsih Swhfan Yozyen Bouxcuengh Vwnzva Hezvei veiyenz doxraen caeuq daihngeih gaiq gansw sedonz venjbaiz Yizsi, youq aen yozyen neix Cangzgangh yaugih gawjhengz. Yozyen dangjveij fusuhgi Lingz Sihyinz、fujdaujyenz Veiz Dungh lauxsae、 fwnhdonzveij daih’it fusuhgi Vangz Ciginz、 gak aen sedonz daiqbiuj、2016 gaep daengxcungq Bouxcuengh Vwnzva Hezvei gansw caeuq gak boux veiyenz camgya.

Aen hoih neix haidaeuz sien dwg youz bouxcujciz gangj Bouxcuengh Vwnzva Hezvei baenzlawz laebbaenz, baenzlawz fazcanj, seizneix dwg yienghlawz, gak aen bumwnz guh gijmaz hong. Riengzlaeng, bouxcujciz yiengq gak boux veiyenz moq baijok Bouxcuengh Vwnzva Hezvei sedonz hozdung lai cungj lai yiengh caeuq gij mbawsiengq ndei gak bumwnz veijyenz, hawj gyoengq veiyenz moq doiq Bouxcuengh Vwnzva Hezvei roxyiuj engq lai. Ciep roengzdaeuj, veicangj、 fuveicangj gangjvah caeuq gansw moq Vangz Ginhyinh doengzhag daiqbiuj gangjvah. Aen hoih doxraen neix cungdenj dwg guh venjbaiz yizsi. Youz Lingz Sihyinz fusuhgi caeuq Veiz Dungh lauxsae vih 2016 gaep Bouxcuengh Vwnzva Hezvei gansw faenfat le ganswcwng.

Doeklaeng, cienzbouh vunz hab’ingj louzniemh.

(Vangz Yingjyiz/黄颖怡 Cau Yangz- meiz/赵杨梅)