Ciuq gij siusik Guengjsae Gyauyuzdingh, Gyauyuzbu fat roengz bi 2017 “gij dunghcih siujsoq minzcuz gauhcwngzsw guzgan vunzcaiz yenz- giuswngh ciuseng giva (baihlaj genjdanh heuhguh ‘guzgan giva’)”, bi 2017 daengx guek 140 aen daihhag mizmingz caeuq gohyenz yensoj youq daengx guek ciuseng 5000 lai boux siujsoq minzcuz bozsw、 sozswswngh, ndawde youq Gvangjsih ciuseng 288 boux sozsw. Linghvaih, gih raeuz Gvangjsih Dayoz、 Gvangjsih Swhfan Dayoz、 Gvangjsih Yihgoh Dayoz、 Gvangjsih Minzcuz Dayoz seiq aen daihhag neix baez daeuz ndaej Gyauyuzbu liedbaenz siujsoq minzcuz gauhcwngzsw guzgan vunzcaiz giva ciuseng danhvei, moix aen daihhag giva ciusou 10 boux, ndawde, youq gih raeuz sou 6 boux, Neimungz、 Sinhgyangh faenbied sou 2 boux.

“Guzgan giva” dwg guek raeuz bangcoh dieg saujsu minzcuz gungganq gauhcwngzsw vunzcaiz、 doidoengh dangdieg hwngfat vunzcaiz ngenggonz giva, daj bi 2005 hainduj, bi 2017 yaek youq baihsae 12 swngjgih、 Hozbwz、 Gizlinz、Huznanz daengj 7 aen swngj gizdieg minzcuz gagguenj caeuq yienh (si) gapgyaiq ciusou vunz siujsoq minzcuz caeuq Bouxgun. Bizyezswngh ciuq hezyi dauqbae dieg dinghyiengq caeuq danhvei couhnieb, sozsw fugsaeh 5 bi, bozsw 8 bi.

Aeu haeujsim, gaujseng bauqgauj “guzgan giva” sozsw, wng dawz miz- gven swhliu daengz Swcigih Gyauyuz- dingh Minzcuz Gyauyuzcu, guh swhgwz saemjhaed caeuq nyinhdingh. Dangh- naeuz bauqgauj hagdangz rog gih, aeu gaengawq bi 2017 《Sozsw Yenz- giuswngh Gaujseng Biujdaenggeiq》Swcigih Gyauyuzdingh Minzcuz Gyauyuzcu gaenq gaepyaenq haenx, daengz swngj、cizyazsi、swcigih gizdieg gaujdiemj swngj gaep gyauyuzdingh (gyauveij) minzcuz gyauyuzcu roxnaeuz gauhgyaucu, lingxaeu dangdieg cien- monz gyauyenmaj, yienzhaeuh ciuqei gij iugouz hagdangz bauqgauj bae bauqmingz. Danghnaeuz gaujseng bauqgauj hagdangz gih raeuz bietdingh aeu bae daengz Gvangjsih Gyauyuz- dingh Minzcuz Gyauyuzcu yienhciengz gyoebcomz banhleix bi 2017《Sozsw Yenzgiuswngh Gaujseng Biujdaeng- geiq》swhgwz nyinhdingh， lingxaeu gih raeuz cienmonz gyauyenmaj, yienz- haeuh gag youq Gyauyuzbu gvidingh seizgan youq Cungguek Yenzgiuswngh Ciuseng Saenqsik Vangj doengjit bauqmingz .

Gaujseng bauqgauj bozsw mbouj yungh lingxaeu gyauyenmaj, dan gyau faenh 《Bozsw Yenzgiuswngh Gaujseng Biujdaenggeiq》 ndeu bae daengz Gvangjsih Ciuseng Gaujsiyen Bujgauh Cauhswnghcu bwh’anq, youq yienh- ciengz banhleix swhgwz seiz, youz Gvangjsih Gyauyuzdingh Minzcuz Gyauyuzcu doengjit cienj gyau.

Gvangjsih Gyauyuzdingh Minzcuz Gyauyuzcu doiq bauqgauj sozsw、 bozsw gaujseng guh swhgwz nyinhdingh gyoebcomz banhleix、 sozswswngh banhleix seizgan dwg bi 2016 ndwen 10 ngoenz 10-31 hauh，bozswswngh banhleix seizgan dwg bi 2016 ndwen 11 ngoenz 1 hauh daengz ndwen 12 ngoenz 30 hauh. (Cau Dwzfeih)