Liengzging Gih（良庆区）：

Daengz Gizlawz Eu Fwen Gizde

到了哪山唱哪歌

（It）

Mwhgonq nyapnyaj dauqcawq miz,

Gwnzdieg gizgiz raen haexmou;

Raemxuq raemxrab gizgiz louz,

Bouxboux simyou “uq luenh ca”.

昔日垃圾滥成灾，粪便满地脚难踩；

污水横流脏又臭，“乱差脏”来实难待。

Lajmbanj singjseuq sam bi daeuj,

Bouxboux sim raeuj vanzging ndei;

Ndaw mbanj rog mbanj bienqvaq caez,

Gizgiz roeg raez va hai hoengh.

清洁乡村三年来，洁美环境暖心怀；

村容村貌大变样，农村遍地鲜花开。

Ngoenz byaij aen mbanj bae coh mbanj,

Lumj boux ganj haw lij cwxcaih;

Gizgiz roeg heuh va youh hai,

Lajmbanj gwnzgai faex raemhrwd.

走过多少村和寨，休闲舒适似逛街；

鸟语花香空气好，鲜花绿树两边栽。

Ngoenzneix caen beij gaxgonq miz,

Swnghhoz vuenyungz baengh miz dangj;

Gizgiz singjseuq simcingz sangj,

Lwgminz sim’angq riuhaha.

今非昔比多自在，幸福生活靠党来；

自然和谐洁净美，人民群众乐开怀。

（Ngeih）

Sanglinz funghgvangh cienz dienyah,

Ciz Yazgwz daeuj hix simmaez;

Byaraemx gizgiz gyaeu fouzbeij,

Bouxyouz vuenheij mbouj siengj dauq.

上林风光名声传，徐霞客来亦留恋；

醉美山水惹人爱，游兴未尽乐无眠。

Gwnz Ginhlenzhuz raemx fubfw,

Rog Lenzyanghsw singyaem maez;

Dunghhungz Mauzdangz diegdumz ndei,

Gij Cicwngzbeih riuz cien nienz.

金莲湖上碧波现，莲香寺外梵音响；

东红毛塘两湿地，智城碑帖逾千年。

Leizbaiz Bandauj yiengjhuhu,

Sanhlij Yangzdu hai ruz youz;

Lungzhuz funghgvangh engqgya gyaeu,

Raemx bik bya fouz bae daemj mbwn.

雷排半岛名声亮，三里洋渡摆游船；

更有龙湖风景美，浮山碧水接天连。

Haj yienh caet gih daeuj caezcienz,

Aeu lijlun bae bien fwen moq;

Gak daibyaujdui cungj riuho,

Sing go cienz daengz Dangjcunghyangh.

五县七区齐聚全，理论山歌赋新篇；

参赛各队共迸进，歌声传到党中央。

（Sam）

Daengz gizlawz eu fwen gizde,

Fwenyoux ciengq liux ciengq liuxloz;

Cienz baengh dangj raeuz cwngcwz moq,

Vuenyungz swnghhoz raeuj youq sim.

到了哪山唱哪歌，唱罢情歌唱嘹啰；

全靠党的政策好，幸福生活暖心窝。

Gij fwen lijlun gou daeuj ciengq,

Fazcanj lijnen gyoengqvunz maez;

“Vujvei yidij” baijbouh ndei,

“Sam aen swsin” bae gaem dox.

理论山歌我来说，发展理念众人和；

“五位一体”布局好，“三个自信”掌好舵。

Gaijgwz hailangh ndeindindi,

Nduknaeuh vwndiz saedcaih vaih;

“Swfungh” vwndiz aeu hoenxbaih,

Damguen fouznaih fouz giz ndoj.

改革开放结硕果，腐败问题坏根祸；

“四风”问题查处严，贪官污吏无处躲。

“Hag song guh ndeu” hai bienmoq,

Fanjfuj canglenz aeu ciengz guh;

Singjseuq guhvunz cij mbouj nguh,

Simvan bae guh moengh Cungguek.

“两学一做”新党课，反腐倡廉事多磨；

励精图治人为本，圆梦中华绘蓝图！

（caengz sat）