10 nyied 7 hauh, aen Dahgveigyangh gyaeundei Cauhbingz Yen haenx, baenz gyoengq vunz youq gizhaenx angqfwngfwng, daihngeih gaiq Gvei Yez Siengh “hozcinh gensezbeih”ruzlungz iucingj doxdax caeuq 2016 nienz Cauhbingz Yen ciet souhyienz vwnzva lijyouz youq gizneix hwnghwd haimuq. 20 aen doihruzlungz daj “Gvei Yez Siengh” sam aen swngj gih daeuj caeuq bonjdieg 24 aen doihruzlungz yaek youq gizneix doxdax.

Gaiq ruzlungz iucingj doxdax neix dwg aeu “mbwn hoh aen couh lungz comz Cauhbingz”ma guh cawjdaez, youz Gvangjsih Bouxcuengh Swcigih Dijyuzgiz、Hocouh Si Yinzminz Cwngfuj guhcawj banh, youz Swcigih Dijyuzgiz Sevei Dijyuz Cungsim、Hocouh Si Dijyuzgiz、Cauhbingz Yen Yinzminz Cwngfuj、Gvangjsih Vangzyauzgujcin Lijyouz Vwnzva Canjyezgih Gvanjveijvei bangbanh.

(Liuz Feih/刘 飞）