“Bingzmung ciengqmakmaed ndaej lied haeuj si gaep feihvuzciz vwnzva yizcanj hanghmoeg baujhoh mingzloeg le, ginggvaq songyauq dinfwngz, seiz- neix miz 100 lai ranz hag rox guh ciengqmakmaed, miz 20 lai ranz baenz canjnieb hwngfat gveihmoz, ciengq- makmaed feih hom van bak, ndaej daengz hekyouz、 canghseng’eiq dieg- rog haengjgyaez.” Nazboh Yen Vwnz- vacan cancangj Lingz Veidungh naeuz.

Ciuq cam rox, aen yienh neix guh ciengqmakmaed gwn youq dangdieg gaenq miz bak lai bi lizsij, bi 2012 nienz bauq baenz si gaep feihvuzciz vwnzva yizcanj hanghmoeg baujhoh mingzloeg, dangdieg yienh cwngfuj gyahung senhconz caeuq bued roengz ngaenzcienz, aeu de baenz aen hanghmoeg bang bouxguhnaz demsou, saedyienh vut gungz baenz fouq he. It dwg youq Bingzmung Cin hwnjguh gizdieg sonhag guh ciengqmakmaed, gaijndei son’gyauq hanghmoeg gaem- guenj cwngzsi、 gisuz gveihfan、 nyuenz caizliuh iugouz daengj, ciuqei feih- vuzciz vwnzva yizcanj hanghmoeg baujhoh iugouz, binaengz cujciz haiguh baujhoh swnjcienz、 langhbaij baijyienj hozdung 2 baez doxhwnj, gungganq dinfwngz swnjcienz. Ngeih dwg gyahung senhconz ligdoh. Doenggvaq gvangjbo densi daengj meizdij gvangqlangh senhconz, cujciz bouxguhhong roengz mbanj haeuj ranz fatcuengq cek saw senhconz, gujli nungzhoh ndaem faex makmaed. Sam dwg gyalai bued roengz ngaenzcienz. Vih ranz ndaem mak daezhawj dinfaex mak mbouj aeu cienz, daezhawj bwnh caeuq ywgajnon mbouj aeu cienz, ciuqei dajndaem mienhcik hawj boujdiep. Seiq dwg gyahung gisuz bangfuz ligdoh. Banh banbeizyin, cujciz ranz ndaem makmaed camgya beizyin hag dinfwngz vunzguh ciepnyez, baij boux gisuzyenz daengzciengz sonyinx. Yinxhaeuj senh- cin siudoeg sezbei caeuq baucang gunghyi, yiemzgek gaem hong ancienz gijgwn.

Seizneix, aen yienh neix guh ciengqmakmaed gaenq baenz hangh youqgaenj canjnieb vunzlai dangdieg laisou he, ndaem faexmakmaed youq Bingzmung、 Dwzlungz、 Bwzhoz、 Bwz- nanz、 Bwzswngj daengj yanghcin baihnamz gaenq miz itdingh gveihmoz, ginggvaq diegranz fwngzguh gyagoeng guhbaenz ciengqmakmaed haenx gaen 29 maenz, gyoengq nungzhoh baenz canjnieb hwngfat gveihmoz haenx, dan cungj neix souhaeuj bingzyaenz daengz 2 fanh maenz doxhwnj.

(Dwng Gyanghboh/邓江波)