Bonjbauq siusik (gicej Cau Dwzfeih) 9 nyied 22 hauh, Namzningz Si Minzcunghveij youq Sanglinz Yen Cinhih Yauzcuz Yangh Baizhungz Cunh Mbanjbaizbah banh cunghgyaugai banggungz banghoj nem bi 2016 “aen singhgiz swzsienh cunghgyau” hozdung hainduj yizsi, Namzningz Siveij cangzveij、 Dungj- canbu bucangj Cau Hungzmingz camgya yizsi caemhcaiq gangjvah, Si Minzcunghveij cujyin Suh Cigangh, Si Fuzgyau Hezvei、 Yihswhlanzgyau Hezvei、 Denhcujgyau Gyaezguek- hoih、Gihduzgyau Sanhsw Gyaezguek Yindung Veijyenzvei、 Gihduzgyau Hezvei 5 aen si gaep cunghgyau donzdij bouxfucwz caeuq mbangj cunghgyau hozdung ciengzdieg boux- fucwz camgya hainduj yizsi.

Ngoenzde, Cau Hungzmingz、 Suh Cigangh caeuq gyoengqvunz cunghgyaugai daiqbiuj caez fat mienh、 youzduhdoem daengj doxgaiq hawj ranzgungzhoj. Caiqlij bae ranz daegbied gungzhoj haenx camnai, roxyiuj gij cingzgvang ndawranz dem. Doih simndei yawjbingh youz bouxsaenq Si Gihduzgyau Gunghoz- dangz gapbaenz haenx lij vih vunzlai Baizhungz Cunh yawjbingh rau hezyaz mbouj aeu cienz. Baez hozdung neix, Baizhungz Cunh gungh miz 122 ranz ranzgungzhoj ndaej ik, siciz cunghgyau donzdij lienzhab soengq ok cienzcamnai caeuq doxgaiq dij yinzminzbi gungh 26400 maenz.

Cau Hungzmingz naeuz, cungh- gyaugai guh goeng’ik swzsienh saehnieb, miz guekgya cwngcwz cengjdingj, miz vunzlai bouxsaenq haeujcoengh, gyoengqvunz gungzhoj hix muenghmiz, dwg hangh leih guek leih minz saehnieb he. Doengzseiz gujli daengx si cunghgyaugai gaenxmaenx fatyiengz gij saenqniemh caeuq conzdungj ndei fugsaeh ndaw- biengz、 leih’ik beksingq, doicaenh goeng’ik swzsienh hozdung seiz caenh’itbouh coicaenh cunghgyau cangqheiq hwngfat, yienh’ok gij sevei gyaciz cunghgyau, laeb gij yienghsiengq ndei cunghgyaugai, vih Namzningz Si dwkhingz ciengz ciengq vut gungz gunggeng guh ok gungyen hungloet.

Namzningz Si Gihduzgyau Sanhsw Gyaezguek Yindung Veij- yenzvei cujsiz、Namzningz Si Gihduzgyau Gunghozdangz Cau Hungzmeiz muzswh daiqbiuj Namz- ningz Si cunghgyaugai youq hainduj yizsi gangj gij iudaeuz bangrengz cingcinj banggungz, iudaeuz daengx si cunghgyaugai comzgiet siengjngeix caemhrox, youq daengx si cungh- gyaugai caux ok gij heiqfaenh naekna gvansim gungzhoj vwndiz、 haeuj- coengh cingcinj banggungz、 camgya banggungz gunggeng; fatok gij conzdungj ndei cunghgyaugai maij guh saehsienh，gvansim mbanj- gungzhoj dajndongj roenloh, yungh raemx yungh dienh ancienz daengj gunghcwngz, yungh lai cungj fuengsik caezsim guh gij saeh doiq beksingq mizik haenx, yungh hengzdoengh yienh’ok sevei cwzyin, bangcoh vunzlai gungzhoj; iudaeuz gij sevei naengzliengh ndei aeueiq、 bauyungz、 vwnzmingz、 cinbu haenx.

Youq cunghgyaugai haiguh “aen singhgiz swzsienh cunghgyau”hoz- dung, dwg Guekgya Cunghgyaugiz vih doidoengh gvancez lozsiz 《Gij Yigen Mizgven Gujli Caeuq Gveihfan Cunghgyaugai Guh Goeng’ik Swz- sienh Hozdung》 youz Cunghyangh Dungjcanbu、 Guekgya Fazgaijveij、 Minzcwngbu、 Caizcwngbu、 Guekgya Suivucungjgiz daengj bumwnz lienz- hab fat haenx, hangh hozdung daj bi 2012 hainduj haiguh he, muzdiz dwg caenh’itbouh doidoengh cungh- gyaugai guh goeng’ik swzsienh hozdung ndaej cangqheiq miz bouhloh haiguh. Seiq bi daeuj, Namzningz Si cunghgyaugai gaenx- maenx hoizwngq haucau, fatyiengz gij conzdungj ndei cunghgyau maij guh saehsienh saehndei, dinghgeiz bang bouxlaux godog gungzhoj、 gien cienz banghag、 ngoenzciet cujciz cunz gungz cam haemz hozdung、 miz cainanh caeuq hozdung youqgaenj seiz gaenxmaenx gien cienz gien doxgai daengj, youq saedhengz fugsaeh sevei、 ik daengz beksingq seiz guhcingq sinyangj, gaenq baenz cungh cangzdai Namzningz Si seiq aen cunghgyau hung he.