Nuengx:

Gij ngeihcib ginhbaiz,

Beix cai bouxlawz ndaej，

Dwg danhangh aen lawz，

Beix gangj hawj gou dingq.

Beix:

Dahsau heuh Yin Cen,

Benz 10 mij diuqdaiz,

De ndaej faensoq lai,

Ginhbaiz dwg de dawz.

Nuengx:

Gij ngeih’it ginhbaiz,

Beix cai bouxlawz ndaej，

Dwg danhangh aen lawz，

Beix gangj hawj gou dingq.

Beix:

Yijmauzgiuz nanzsangh,

Seiz gangj hawj daengxgyoengq,

Cangh Nanz Fu Haijfungh,

Gyoengqde ndaej ginhbaiz.

Nuengx:

Gij ginhbaiz ngeihngeih,

Beix naeuz bouxlawz ndaej，

Dwg danhangh aen lawz，

Beix gangj hawj nuengx dingq.

Beix:

Byaij 20 goengleix,

Liuz hungz ndaej ceiq vaiq,

Hangh mehmbwk beijbyaij,

Ginhbaiz dwg de dawz.

Nuengx:

Gij ginhbaiz ngeihsam,

Cam beix bouxlawz ndaej，

Dwg danhangh aen lawz，

Beix gangj hawj nuengx dingq.

Beix:

Yijmauzgiuz danhdaj,

Guekgya raeuz ak lai,

Cinz Lungz dwk vunz baih,

Ginhbaiz dwg de dawz.

Nuengx:

Gij ginhbaiz ngeihseiq,

Beix naeuz bouxlawz ndaej，

Dwg danhangh aen lawz，

Beix gangj hawj nuengx dingq.

Beix:

Daegmbauq Cinz Aisinh,

Diuqraemx caen ak lai,

Hangh 10 mij diuqdaiz,

Ginhbaiz dwg de dawz.

Nuengx:

Gij ngeihhaj ginhbaiz,

Beix cai bouxlawz ndaej，

Dwg danhangh aen lawz，

Beix gangj hawj nuengx dingq.

Beix:

67 goenggaen,

Daizgenzdau caen yinx,

Dahsau Cwng Suhyinh,

Ginhbaiz dwg de dawz.

Nuengx:

Gij ngeihroek ginhbaiz,

Beix cai bouxlawz ndaej，

Dwg danhangh aen lawz，

Beix gangj hawj nuengx dingq.

Beix:

Gij ngeihroek ginhbaiz,

Cunghgoz nijbaiz ndaej,

Gek 12 bi raez,

Youh caiq ndaej dauq moq.

Hab:

Gaiq neix Auyinvei,

Doxbeij haenq dangqmaz,

Ginhbaiz siengj aeu ma,

Caezgya aeu dwkrengz.