Yungzsuij Myauzcuz Swciyen youq 2015 nienz 11 nyied laebbaenz aen Dung’yoz yenzgiuvei. Dungcuz youq Guengjsae raeuz gyaeujvunz ciemq 32 fanh, cujyau faen youq Sanhgyangh、Lungzswng、Yungzsuij、Lozcwngz、Yungzanh daengj dieg. Dungcuz vwnzva swhyenz gig fungfouq, miz golaux Dungcuz、gak cungj gak yiengh swz ndei、laeuzgyong、giuzndojfwn daengj gij minzsuz vwnzva daibyauj Dungcuz haenx.

Vihliux baujhoh caeuq swnjcienz Dungcuz gij vwnzva dijbauj neix, aen yenzgiuvei neix gaenq haidoengh Dungcuz vwnzva baujhoh caeuq swnjcienz hozdung. Hopheux Dungcuz gaigvang、Dungcuz ndawbiengz sibgvenq、Dungcuz gojgaeq cienzgangj、 Dungcuz bouxokmingz、vwnzyoz yisuz、Dung’yoz lwnhdamz daengj fuengmienh neix soucomz cingjleix, dajsuenq youq nienzdaej gaxgonq okbanj Yungzsuij 《Dung’yoz Yenzgiu》daih’it cek.

(Cwngh Siengzdwz/曾祥德）