Daj bi 2011 doxdaeuj, Ningz- mingz Yen Minzcuzgiz nyinhcaen guh ndei bauq nyinhdingh minzmou minzbinj giyez, gaenxmaenx sonyinx giyez guhndei hong daigvanj diepsik, cietsaed dawz youhvei cwngcwz gvancez lozsiz daengzvih. Bi 2013 doxdaeuj aen yienh neix gak giyez gungh ndaej diepsik 157.68 fanh maenz, bi 2014 aen yienh neix dauqcungz nyinhdingh le miz 12 aen minzmou giyez ndaej daengz swcigih nyinhdingh.

It dwg haenqrengz senhconz minzcuz giyez binjbaiz. Leihyungh vangjloz、 senhconz swhliu daengj fatcuengq daengz gak giyez, gibseiz hawj giyez roxyiuj gij youhvei nyinhdingh minzmou giyez ndaej haenx, doengzseiz gaenxmaenx cuj- ciz minzmou giyez canjbinj camgya aen hoih si gih, caenh’itbouh dem- ak gij yingjyangjliz caeuq rengz- doxciengj minzmou minzbinj.

Ngeih dwg gaenxmaenx vih minzmou minzbinj giyez guhndei fugsaeh. Vih hawj doenghgij minz- mou minzbinj giyez neix hwngfat engqgya ndei, aen yienh neix gaenx- maenx cawjdoengh guhndei hong fugsaeh giyez nyinhdingh. Haeujlaeg daengz gak giyez haiguh diuyenz hozdung, roxyiuj gij saedsaeh hoj- nanz giyez, yiengq giyez gejdap gij cwngcwz mizgven minzmou giyez.

Sam dwg lozsiz minzmou minzbinj giyez youhvei cwngcwz. Gaenxmaenx cawjdoengh guhndei hong bauq minzmou minzbinj giyez caeuq hong yiengjsouh youhvei daigvanj liliz, mizgven bumwnz gaenxmaenx senhconz minzmou minzbinj giyez youhvei daigvanj liliz, nyinhcaen guhndei hong saemjhaed bauq minzmou minzbinj giyez. Gonqlaeng vih Guengjsae Ningzmingz Yen Haijlinz Sungh- yanghcangj、 Ningzmingz Yen Vwnz- daz Linzcanj Youjhan Cwzyin Gunghswh、 Guengjsae Gohmou Linzva Youjhan Gunghswh daengj gunghswh guhndei hong bauq, bi 2015 nienz sam aen gunghswh neix ndaej daigvanj diepsik 51.96 fanh maenz.

(Sinh Gyahbingz/申家萍Nungz Bungzcwngz/农鹏程)