Mboengqneix, Dasinh Yen Minzyijban、 Gyauyuzgiz caeuq Ndawbiengz Fwen Hezvei lienzhab youq Aen Cungsim Rogdangz Hozdung Hagseng Bouxcoz Nyezrauh aen yienh neix banh cungh siuj hagdangz Fwencuengh haeuj hagdangz lauxsae beizyinbanh. Baez beizyin neix iucingj aen yienh neix Minzyijban cujyin Cau Van’gyauj daeuj son’gyauq vah saw minzcuz Dasinh Yen caeuq gij cingzgvang vwnzva ndawbiengz minzcuz, lij iucingj geij boux canghfwen Ndawbiengz Fwen Hezvei aen yienh neix daeuj son’gyauq gij ciengqfap caeuq fapgiuj cauxsij fwen baiz、 fwen banh、 fwen sam coenz daengj, lij son gij daegdiemj cauxsij go Vahcuengh Dasinh caeuq cekgej cozbinj dem. 47 boux lauxsae camgya beizyin haenx, cungj nyinhcaen roengz sim hag, hwnjdangz ciengzseiz caeuq laux- sae son’gyauq haenx guh doxgyau, goqdangz heiqfaenh nauhyied raix- caix.

Doenggvaq baez beizyin neix, yaek engq mizleih Fwencuengh haeuj hagdangz haeuj goqdangz, coicaenh vwnzva conzdungj minzcuz mboujduenh fat- yiengz swnjcienz.

Ciuq cam rox, aen yienh neix bimoq “sam nyied sam” geizgan yaek banh daengx yienh cungh siuj hagdangz Fwencuengh daih- comzyienj, langhbaij gij sonhag cingzgoj Fwencuengh haeuj hagdangz Dasinh.

(Hij Denjminj/许典敏)