Bonjbauq siusik (gicej Dangz Lungz dunghsinyenz Cangh Gvancuz) 9 nyied 1 hauh, Swcigih Minzyijveij dinghdiemj mbanj- bangrex——Ningzmingz Yen Swlang Yangh Baidaiz Cunh banh gaiq daeuz ciet mbaetsou sahyinz. Swcigih Minzyijveij Gihgvanh Dangjveij conhciz fusuhgi、 yinzswcu cucangj Veiz Bazci, Ningzmingz Yenveij cangzveij、 fuyencangj Veiz Dungjbinh, Ningzmingz Yen Yinzda cangzveij fucujyin Lingz Veihungz, Swlang Yangh Dangjveij suhgi Nungz Yenzswng, Swlang Yangh yanghcangj Liz Mingzvaz daengj 100 lai boux vunz daeuj yawjngonz camgya hozdung.

Ngoenzhaenx, yienhciengz haiguh le yawjngonz mbaetsou sahyinz、 langhbaij huq sahyinz、 sahyinz bingzbeij deuqnyex doxdax、 aen hoih yaenglwnh sahyinz canjnieb daengj hozdung. Yinx ndaej haujlai bouxdaeuz daj gunghswh、 giyez Namzningz nem henzgyawj yienhcin cwngfuj daengj daeuj yawjngonz caeuq yaenggangj, yaenglwnh gij vwndiz baenzlawz doenggvaq sahyinz canjnieb hwng- fat、 guhhung caeuq daezsang, daiqdoengh ranzgungzhoj vut gungz baenzfouq daengj.

Ciuq cam rox, Baidaiz Cunh daengx cunh miz 9 aen mbanj 500 lai ranz ndaem sahyinz, dajndaem mienhcik 5000 lai moux, bi sou ndaej lai bingzyaenz moix moux sou ndaej sahyinz ndip daih’iek 200 goenggaen. Seizneix sahyinz ndip gyaqsou ca mbouj geijlai gaen 40 maenz. Ciuq doengjgeiq, bineix daengx cunh gujsuenq sou ndaej sahyinz 4 fanh gaen baedauq. Doenggvaq banh baez hozdung neix, caenh’itbouh daezsang gij mingz- daeuz sahyinz aen cunh neix, dwk ok daegsaek doxgaiq reihnaz binjbaiz, guh hung guh ak daegsaek canjnieb, daiqdoengh daengx yangh cingcinj bangrex canjnieb caenh’itbouh guh- hung、 swnggaep.

Aeu mak guh moiz, aeu ciet guh yienz, doenggvaq baez ciethoih hozdung neix, yinx ndaej haujlai giyez、 canghseng’eiq、 vunzlai daeuj yawjngonz, daezsang gij mingzdaeuz sahyinz, mizleih doidoengh aen cunh neix doenggvaq hwngfat、 guhhung、 daezsang sahyinz canjnieb, saed- yienh vut gungz baenzfouq.