Bineix doxdaeuj, Lungzswng Gak Cuz Swciyen nyinhcaen senhconz gvancez lozsiz minzcuz cwngcwz dangj, haenqrengz hwngfat dieg minzcuz ginghci, coicaenh daengx yienh gak cuz beksingq doxgiet onjdingh.

It dwg gaem senhconz, yawjnaek minzcuz cwngcwz dangj vunzvunz roxyiuj. Haiguh ndwen senhconz hozdung, caux ok gij heiqfaenh yaenglwnh senhconz ndei; leihyungh aen cwngheuh ndei “aen yienh bak ciet minzcuz”, vih senhconz minzcuz cwngcwz、 minzcuz vwnzva dap hwnj bingzdaiz moq; doenggvaq bangcoengh laebbaenz ndawbiengz fwen hezvei、 vatcimh caeuq son’gyauq bouxswnj- cienz fwen daengj fuengsik, swnjcienz caeuq hwngfat fwen vwnzva minzcuz, hawj fwen baenz caidij youqgaenj bonjdieg senhconz fuengcim cwngcwz dangj caeuq hawj beksingq lajmbanj vwnzva saedceij fungfouq he.

Ngeih dwg gaem hanghmoeg, yawjnaek dieg minzcuz swnghcanj saedceij vanzging caeuq hwngfat diuzgienh miz gaijndei moq. Youq giekdaej sezsih fuengmienh, byongh bi doxdaeuj, Lungzswng gaenxmaenx ceng’aeu ngaenzcienz hwngfat saujsu minzcuz 240 lai fanh maenz, guhsat 5 aen mbanj saujsu minzcuz gwnraemx gunghcwngz, hawj ca mbouj geijlai 800 lai boux beksingq saujsu minzcuz ndaej yungh gij raemxswlaizsuij seuqsak haenx, bued roengz 160 lai fanh maenz coih roenbenjrin Bingz- dwngj Cin Mbanjgvangjnanz cien ranz Mbanjdung, hanghmoeg cingq swnhleih guh. Youq minzcuz vwnzva gyauyuz fuengmienh, guh ndei hong minzcuz vwnzva haeuj hagdangz、 minzcuz vwnzyi hozdung、 minzcuz dijyuz hozdung nem hagseng maenhndei saujsu minzcuz haeujhag cienhangh bangbouj daengj.

Sam dwg gaem cauxlaeb, yawj- naek minzcuz doxgiet cinbu cauxguh hwngfat. Bi 2016, Lungzswng Gak Cuz Swciyen Saedniemh Cunghyoz ndaej aen cwngheuh ndei “daengx guek minzcuz doxgiet cinbu cauxlaeb hoz- dung hagdangz guhyiengh”.

(Liengz Cwngzhungz/梁承红)