Gwn raemx mbouj lumz mboq,

Byaij loh mbouj lumz din,

Gungcanjdangj yinghmingz,

Vih lwgminz naemjsiengj.

Nienz laux 60 bi,

Raeuz lij ndei doxdauq,

Ndwen 90 ciengxlaux,

Dangj lingjdauj yinghmingz.

Ndwen 90 ciengxlaux,

Nanz caux ma daengz ranz,

Miz cienz cawx noh van,

Gaej dawz ngaenz bae doj.

Loeghabcaij gaeq doj,

Cawx noh gwn lai giengz,

Senj duz vaiz duz yiengz,

Yienghlawz cungj ndei caez.

Mwngz bae cawx lingz gouj,

De youh ok lingz sam,

Fatheiq ma daengz ranz,

Nauh ae gvan gangjloek.

Seiq gouj bingz raemx heu,

Bingz ndeu mbouj dwk doeg,

Aeu mingh buek fukloeg,

Bingz doeg mwngz mbouj lau?

Miz cienz mbouj yungh doj,

Ningznyienh dawz bae youz,

Yawj seiqgyaiq cauzlouz,

Funglouz youh vaiqvued.