8 nyied 20 hauh, saumbauq bouxcoz Mulaujcuz youq Lozcwngz Mulaujcuz Swciyen Siujcangzanh Cin Dieggingj “Gwnz raemx Ndoeng Doxngeix” doiq fwen、 dox gangj cingzeiq. Ngoenzhaenx, saumbauq bouxcoz Mulaujcuz youq dieggingj neix camgya baebo hozdung, caezgya doiq fwen, yungh fwen cienz cingz、 yungh fwen gyau youx, caez gangj gij cingz doxgyaez doxndiep. Saumbauq bouxcoz Mulaujcuz itbuen doenggvaq baebo doiq fwen, song mbiengj doxsug roxyiuj doeklaeng, yaek gietbaenz “doengznienz”, lienzbaenz “aenyienz”, doeklaeng baenzgya.

Ciuq cam rox, ciet baebo Mulaujcuz gaenq ndaej liedhaeuj Guengjsae feihvuzciz vwnzva yizcanj mingzloeg.

(Liu Gvanghfuz/廖光福)