8 nyied 19 hauh, Lozcwngz Mulaujcuz Swciyen Genh’ai Yangh diegnywj byasang, bouxcoz Mulaujcuz yungh gij fuengsik foux lungzfiengz angqhoh haeuxgwn seizhah fungsou. Lozcwngz Mulaujcuz Swciyen dwg aen swciyen Mulaujcuz daengx guek dandog he, binaengz seizhah fungsou gvaqlaeng, beixnuengx Mulaujcuz dangdieg yungh foux lungzfiengz daengj ndawbiengz conzdungj dijyuz hanghmoeg hozdung angqhoh fungsou, caemhcaiq gouz coglaeng rumz swnh fwn yinz, haeuxgwn fungsou, vunzding hoenghvuengh. Ciuq cam rox, bi 2010, foux lungzfiengz Mulaujcuz ndaej liedhaeuj Guengjsae buek daihsam feihvuzciz vwnzva yizcanj mingzloeg.

(Se Sunhwngz/谢顺珩)