□凡一平 著 蒙树起 译

韦运团的手机沈能能为什么不能用？沈能能也纳闷。也许他的手机里藏有不可告人的信息或秘密吧。

总之韦运团明确表示，如果她要和叔叔联络，就用苏牛的手机。他现在是山大王，得听他的。用苏牛的手机也一样，只要能和韦先联络上。头两天，她每天至少和韦先通两次电话，短信就无数了。山上信号不是太好，通话断断续续，短信也常发不出或收不到。她每次打电话和接收短信，都要登上架设电视接收器的那块巨石。

这种想念情人的手段和行为太难太苦了。苏牛和韦运团不是不看在眼里，但是无能为力，只能这样。

第三天的时候，沈能能只和韦先通了一次电话。她从梯子爬到那块巨石上，打通了韦先的电话。她打电话的时候，苏牛和韦运团就在巨石下面警戒，以防万一。头两天的警戒比较松散，不时望望而已。但今天表兄弟俩特别紧张，因为他们发现沈能能的情绪特别激动，情绪激动就容易摔下来。韦运团和苏牛不得不提高警戒或保护级别，以应对有可能发生的不测。他们像消防员在楼下观察楼顶扬言跳楼的轻生者一样，上面的人每挪动一步，下面的人也相应挪动。苏牛和韦运团不是消防员，没有气垫。他们急忙抱来了茅草，甚至被褥，铺在巨石底下。头两天沈能能和叔叔舅舅的通话内容，韦运团和苏牛不知道，或者说听不清楚。第一他们不敢听，第二沈能能说话也小声。情人间的卿卿我我之类甜言蜜语，偷听是不道德的，何况又是叔叔舅舅的情人呢。但今天他们不得不听，因为风云突变，沈能能一反常态地暴跳如雷，她激动和狂躁的言语通过电话传达给他们尊敬的叔叔舅舅，当然也灌进了他们敏感的耳朵：

——韦先，你是不是另外有女人了？她是谁？

——我告诉你韦先，我是为了你才躲进这深山老林里来的！你怕他们查你先查我，因为我懂得了你太多的秘密。

——我不可能出卖你。打死我也不说。

——我要在这里待到什么时候？

——不行！不行！我受不了！我死了算了！

……

听到这样的言语，看到人在巨石上的疯癫行为，韦运团和苏牛能不担惊受怕吗？那可是叔叔舅舅托付的女人，万一她有什么三长两短或出意外，该怎么跟叔叔舅舅交代？拿命去还？一个侄子和一个外甥的命，有这个漂亮无比的女人值钱吗？听说范冰冰的脸蛋光上保险就值几个亿，这女人的脸蛋也和范冰冰一样漂亮，还没化妆呢。她万一摔下来不死，就是脸划破了，拿命去还，叔叔舅舅也饶不过他们。想拿命去还那是放屁，最重要的还是这女人不能出事。她现在直呼叔叔舅舅的姓名甚至骂人都不重要了，重要的是她活着并且完好无损！

这可怎么办？除了像消防员一样无私无畏采取措施，还能做什么？

苏牛想到了祈祷或求神保佑。他跑开几步，还不能离开巨石太远，就面对半山腰一棵巨大的老树扑通跪下，然后不停地磕头。那可是狠磕死磕，能看见那光脑袋像球一样拍下去又弹起来，还听见嘭嘭地响。

山神果然显灵和保佑了。韦运团只见沈能能的情绪慢慢平复下来，声音小了，动作也少了。她慢慢地从依靠巨石的梯子下来。她的脚一落地，韦运团心里的石头也落地了。他走过去，从背后把还在磕头的表弟揪起来，说：“可以了。”

看到沈能能在神灵的保佑下安然无恙，苏牛露出了憨厚的笑容。他的额头满是血红，却浑然不觉。

脱离险境的沈能能并不知道她刚才处在危险之中，也不觉察两个表兄弟为她的安全所做的一切。但是她看到了铺在巨石底下的被褥，还看到了头破血流的苏牛。

“你们这是干什么？”她问。

苏牛只是傻笑。 （5）

Aen soujgih Veiz Yindonz Sinj Nwngznwngz guhmaz mbouj ndaej yungh? Sinj Nwngznwngz hix siengj mbouj doeng. Lauheiq dwg ndaw aen soujgih de miz gij doxgaiq lawz mbouj siengj hawj bouxwnq rox ba.

Veiz Yindonz naeuz hawj de, danghnaeuz de yaek lienzhaeh boh’au, couh yungh aen soujgih Suh Niuz. De dwg bouxhak ndaw bya, dingq de cij baenz. Yungh soujgih Suh Niuz hix doxdoengz, ndaej lienzhaeh Veiz Senh couh baenz. Song ngoenz nduj, de ngoenznaengz ceiq noix caeuq Veiz Senh doeng song baez dienhvah, dinjsaenq couh lai lo. Saenqhauh ndaw bya mbouj aiq ndei, doeng vah yaep doeng yaep dingz, dinjsaenq hix gingciengz fat mbouj okbae roxnaeuz sou mbouj ndaej. De baeznaengz daj dienh roxnaeuz ciepsou dinjsaenq, cungj benz daengz gonj rinloet dam densi cezsouhgi haenx bae.

Baenzneix nien bouxyoux gannanz lai haemzhoj lai. Suh Niuz caeuq Veiz Yindonz hix simgip, hoeng cix bang mbouj ndaej de.

Ngoenz daihsam, Sinj Nwngznwngz caenh caeuq Veiz Senh doeng mbat dienh he. De benz lae hwnj gwnz gonj rinloet haenx bae, daj doeng aen dienhvah Veiz Senh. Mwh de daj dienhvah, Suh Niuz caeuq Veiz Yindonz couh youq baihlaj rinloet hen, lau de doek roengzdaeuj. Song ngoenz nduj seiz mbouj seiz yawjyawj couh baenz, hoeng ngoenzneix song beixnuengx biuj gaenjcieng dangqmaz, aenvih gyoengqde raen Sinj Nwngznwngz nyapnyuk raixcaix, lau de baez gikdoengh couh doek roengzdaeuj. Veiz Yindonz caeuq Suh Niuz lau Sinj Nwngznwngz ok saeh, gingjgaeh raixciax. Gyoengqde lumj bouxsiuhfangzyenz ndwn youq laj laeuz yawj boux siengj diuqlaeuz nei, bouxvunz baihgwnz byaij yamq he, bouxvunz baihlaj hix gaenriengz byaij yamq he. Suh Niuz caeuq Veiz Yindonz mbouj dwg bouxsiuhfangzyenz, gyoengqde mboujmiz gaiq demhheiq. Gyoengqde gipmuengz umj baenz bog baenz bog haz gvaqdaeuj, denz hix dawz daeuj lo, bu youq laj gonj rinloet. Song ngoenz nduj Sinj Nwngznwngz caeuq boh’au bohgoux gangj gijmaz, Veiz Yindonz caeuq Suh Niuz mbouj rox, roxnaeuz dingq mbouj cingcuj. Daih’it gyoengqde mbouj gamj dingq, daihngeih Sinj Nwngznwngz hix gangj sing daemq lai. Caeg dingq song bouxyoux gangjvah mbouj ndei law, caiq gangj youh dwg yahyoux boh’au bohgoux ne. Hoeng ngoenzneix gyoengqde mbouj dingq mbouj ndaej lo, aenvih raen Sinj Nwngznwngz lumjbaenz ngaiz byajbag nei, gij vah gikdoengh youh simgip doenggvaq dienhvah cienz hawj boh’au bohgoux gyoengqde ginqgyaez haenx, hix cienz haeuj ndaw rwz gyoengqde:

——Veiz Senh, mwngz dwg mbouj dwg baihrog miz mehmbwk la? De dwg byawz?

——Gou lwnh hawj mwngz Veiz Senh, gou dwg vih mwngz cij ndoj haeuj ndaw lueg bya neix daeuj! Mwngz lau gyoengqde yaek caz mwngz cix daeuj caz gou gonq, aenvih gou rox gij saeh mwngz lai lai.

——Gou mbouj gojnwngz gai mwngz law. Moeb dai gou hix mbouj gangj.

——Gou yaek youq gizneix daengz seizlawz bae?

——Mbouj ndaej! Mbouj ndaej! Gou dingj mbouj ndaej! Gou dai suenq lo!

……

Dingqnyi gij vah neix, raen bouxvunz youq gwnz rinloet lumj fatbag nei, Veiz Yindonz caeuq Suh Niuz mbouj you baenz lwi? Boh’au bohgoux gyau mehmbwk neix hawj swhgeij guenj, dangh- naeuz de ok gijmaz saeh, baenzlawz doiq ndaej gvaq boh’au bohgoux? Aeu diuzmingh swhgeij bae boiz? Diuzmingh daeglwg lungzau caeuq vaihseng, beij mehsau neix dij cienz lwi? Dingqgangj fajnaj Fan Binghbingh couh hwnj baujyenj dij baenz geij ik maenz, fajnaj meh neix gyaeu lumj fajnaj Fan Binghbingh nei, lijcaengz cang naj gvaq dem. Danghnaeuz de doek roengzdaeuj mbouj dai, dan dwg fajnaj ngaiz heh, dawz diuzmingh bae boiz, boh’au bohgoux mbouj nyiuz gvaq gyoengqde law. Mingh vuenh mingh mbouj baenz, ceiq youqgaenj dwg mbouj hawj mehmbwk neix ok saeh. De seizneix baenzlawz heuh aen coh boh’au bohgoux roxnaeuz ndaq vunz cungj mbouj youqgaenj lo, youqgaenj dwg de lix caemhcaiq mbouj hawj gwnz ndang de saek giz dawzsieng!

Baenzlawz guh cij ndei ne? Cawzbae hen ndei de, lij guh gijmaz ndaej dem?

Suh Niuz siengj daengz gouz bouxbaed baujyouh. De buet gvaq henz geij yamq, lij mbouj ndaej liz gonj rinloet gyae lai, couh youq dangqnaj go faex hung he gvih roengzdaeuj, gaendwk mbouj dingz ngaek gyaeuj. De haenqrengz baiq dangqmaz, ndaej raen aen gyaeuj de lumj aen giuz nei bek roengzbae youh danh hwnjdaeuj, lij dingqnyi yiengjbungbung dem.

Baedbya dahraix yienj lingz caeuq baujyouh lo. Veiz Yindonz raen Sinj Nwngznwngz sim dinghswd roengzdaeuj lo, vahgangj hix daemq liux, hix mbouj doenghyubyub lo. De menhmenh daj aen lae ing youq rinloet haenx roengzdaeuj. Din de baez roengz dieg, gonjrin ndaw sim Veiz Yindonz hix doek roengz namh lo. De byaij gvaqbae, daj baihlaeng rag nuengxbiuj lij ngaek gyaeuj haenx hwnjdaeuj, naeuz:“Baenz lo.”

Raen Sinj Nwngznwngz miz bouxbaed baujyouh mbouj ok saeh, Suh Niuz gag riumwnh. Gwnz najbyak de lae lwed de cungj mbouj roxyiuj.

Sinj Nwngznwngz mbouj roxnyinh haxbaenh de baenzlawz yungyiemj, hix mbouj roxnyinh song beixnuengx biuj vih mbouj hawj de ok saeh guh le gijmaz. Hoeng de yawjraen gij denz bu youq laj rinloet haenx, lij yawjraen najbyak Suh Niuz conh lwed.

“Sou guh gijmaz la?”De cam.

Suh Niuz caenh dwg riumwnh.

(5)