8 nyied 6 hauh, Nanz- danh Yen Lijhuz、 Bazhih song aen Yauzcuz Yangh beixnuengx Bwzguyauz angq- hoh cietsiujnienz moix bi gvaq baez haenx. Baenz cien baenz fanh beixnuengx Bwzguyauz daenj buhvaq ngoenzciet moqsag gyaeuget doengzcaez daeuj daengz dieg banh dozdung——Lijhuz Yauzcuz Yangh Mbanjmoq Bwzguyauz Mbanjvangzsang, itheij angq- hoh cietsiujnienz. Cietsiuj- nienz hozdung neiyungz miz langhbaij cien dauq ndangdaenj Bwzguyauz、 gaeqdoxdoj、 dwkgyangq、baijyienj minzcuz fungcingz vwnzva daengj. Cietsiujnienz dwg ngoenzciet angqhoh hozdung ceiq miz daegsaek minzcuz Bwzguyauz he, binaengz seizcin dajndaem doeklaeng、 seizcou fungsou gaxgonq senj ngoenz ndeu guh cietsiujnienz, banh cietsiujnienz muzdiz dwg gyo’mbaiq cojgoeng、 gouz fungsou、 baujyouh bingzan.

(Fuz Lungzgyangz/符龙强)