8 nyied 1 hauh, “riengz fwen haprwenz·byaij haeuj Byacwx” hawfwen hozdung youz Guengjsae Byacwx Guekgya Gaep Swhyenz Baujhoh Gih Gvanjlijgiz lienzhab Guengjsae Sanghgwzyinz Vangjloz Gohgi Gujfwn Youjhan Gunghswh ciepbanh haenx banh baenz, neix dwg ciengz daihsam Byacwx ndwen hawfwen hozdung, daj bineix 6 nyied 1 hauh hainduj, ndwennaengz ngoenz daeuz dwg ngoenz banh Byacwx hawfwen hozdung.

Ngoenzhaenx banhaet, gyoengq bouxhek boux- yawj doxcomz din Byacwx, douhung gingjgih baihgvaz vih hawfwen hozdung cienmonz laeb miz aen daizfwen, gyoengq canghfwen daj Dava、 Duh’anh、 Vujmingz、 Majsanh seiq yienh daeuj haenx youq gizhaenx guh doxdax, lij miz doihdiuqfoux、 doihciengqgo gak dieg hwnj daiz biujyienj dem.

Baez hawfwen neix iucingj bouxyienj canghfwen daengz bak boux doxhwnj, ciengjbinj huqlaex dij ngaenz mauhgvaq fanh maenz, cwgoemq 8 aen si、 yienh, gveihmoz hung, ndaej vunzlai haenh, gyahwnj yungh ndwen hawfwen hingzsik okyienh, doiq swnjcienz caeuq fatyiengz vwnzva fwen Mbanjcuengh miz yiyi youqgaenj.

(Luz Yinghyinz)