8 nyied 4 hauh, bouh daih’it denyingj Vahmyauz 《Senhgenjlenz》 youz Lungzlinz Gak Cuz Swciyen Myauz- yozvei fanhoiz haenx youq Lungzlinz Dwzngoz Cin Denzba Cunh Mbanj- canghgyahcai ingj. Yen Myauzyozvei、 cin cwngfuj、 cunhveijvei mizgven lingjdauj caeuq Myauzcuz bouxyawj Mbanj- canghgyahcai nem mbanj henzgyawj daengj 200 lai vunz daeuj ngonzyawj.

Fanhoiz yingjben ndaej daengz Swcigih Gvangjbo Denyingj Densigiz gvansim, yen Myauzyozvei senjbaij lai boux fanhoiz Vahmyauz daengz Aen Cangj Guhbenq Denyingj Guengjsae guh boiqyaem. Ginggvaq roengzrengz, youq bineix 7 nyied guh baenz.

Cuengqingj haemh haenx, daiq angq yangz lailai daeuj hawj gyoengq boux- yawj, ndaej daengz yienhciengz bouxyawj haenh. Yamqlaeng Myauzyozvei caeuq denyingj gunghswh yaek aeu bouh denyingj neix bae daengz gak mbanj Myauzcuz ingj, hawj gyoengq bouxyawj daejniemh gij yinxdaeuz vahgangj Myauzcuz.

(Dauz Dwzgvangh/陶德光)