Doeklaeng, Suh Niuz youq dingjbya laemx lo, vunz caeuq hengzleix ca mbouj geijlai couh doek roengz lajdat baenz bak mij laeg haenx bae.

Veiz Yindonz caeuq Sinj Nwngznwngz ndaej nyi ngeux gyaeuj yawj. Veiz Yindonz raen nuengx- biuj baenzneix, buet gvaqbae rag de hwnjdaeuj, damzbedbed naeuz, mwngz raen fangz lo.

Sinj Nwngznwngz rox Suh Niuz mbouj deng sieng le, geizheih dwk naeuz, mwngz bouxvunz ndaw bya he, byaij roenbya hix laemx, lij beij mbouj gvaq gou, geizheih lo. Suh Niuz najmong dwk ngaem gyaeuj roengzdaeuj, naeuz gobiuj gou gangj ndaej deng, gou raen baed lo.

Sinj Nwngznwngz seizneix naengh aen eijing he, lumjbaenz daengqeij youh onj youh liengz, de ndangsoeng dwk yawj song daeg guenj de haenx. De gaenq rox song boux dwg nuengxbiuj gobiuj, hoeng gij gvanhaeh songde baenzlawz yiengh de lijcaengz cingcuj geijlai. Gyoengqde caeuq Veiz Senh dauqdaej dwg gijmaz gvanhaeh?

“Daxboh gou dwg daeggo boh’au gou.”Veiz Yindonz naeuz, de lumjbaenz duenz ok Sinj Nwngznwngz naemj gijmaz nei.

“Daxmeh gou dwg dahcej bohgoux gou.”Suh Niuz naeuz.

Sinj Nwngznwngz naemj yaep he,“couh dwg gangj, Veiz Senh,”de vix Veiz Yindonz,“dwg daxboh mwngz,”youh vix Suh Niuz,“caeuq daxmeh mwngz, daegnuengx?”

Veiz Yindonz caeuq Suh Niuz mbouj ngaek gyaeuj, hix mbouj gangjvah. Song boux lumjbaenz mbouj sim’angq saek di. Sinj Nwngznwngz heuh aen coh boh’au caeuq bohgoux gyoengqde lo.

Sinj Nwngznwngz mbouj roxyiuj songde mbouj sim’angq, roxnaeuz mbouj rox songde guhmaz mbouj sim’angq, youh cam:“Daegdonz, mwngz ndaej geijlai bi la?”

Veiz Yindonz naeuz:“Ngeihcib ngeih.”

Sinj Nwngznwngz youh cam Suh Niuz:“Siujniuz, mwngz ne?”

Suh Niuz naeuz: “Hix ngeihcib ngeih, hoeng beij gobiuj nyaeq sam ndwen.”

Sinj Nwngznwngz naeuz:“Gou beij sou hung sam bi, ngeihcib haj. Heuh gou dahcej mbouj loek law.”De gag rag ndei diuz gunzdinj de,“o deng lo, gou heuh Sinj Nwngznwngz. ”

Veiz Yindon caeuq Suh Niuz mbouj leixlangh de, lumjbaenz doiq Sinj Nwngznwngz ndaej geijlai bi heuh gijmaz cungj mbouj haeujsim. Song boux ndwn ngawh dwk, Veiz Yindonz naeuz hawj Suh Niuz:“Mwngz bae cawj haeux roxnaeuz bae demh mbonq?”

Suh Niuz naemj yaep he, naeuz:“Demh mbonq.”

2

Sinj Nwngznwngz haetromh couh ndiu lo.

Wnggai naeuz, de dwg ngaiz duzroeg heuh ndiu. Gwnz bya ceiq noix miz bak cungj roeg he, duzduz cungj rox ciengqgo, cungj doxcomz daengz henz diengzcien ciengqgo. Singgo duzroeg goksasa, Sinj Nwngznwngz ninz baenzlawz ndaek cungj ngaiz ndiu gvaqdaeuj. Youq ndaw singz, Sinj Nwngznwngz mboujmiz geijlai baez ndiu baenz caeux hwnq baenz caeux, cawzbae ganj feihgih roxnaeuz miz laehgyaj. Caenhguenj caeuxcaeux couh ndiu lo, ngoenzneix Sinj Nwngznwngz cix mbouj baiq gyaeujngunh, hix mbouj siengj ninz. De mbouj rox aenvih hoengqheiq ndaw bya singjsien cij ndaej baenzneix. Youq ndaw diengzcien genjdan caeuq gwnz mbonq demh dungh haenx, de gawqyienz ninz ndaej baenz ndei, lumjbaenz ndaej caeuq bouxsai doxgot doxumj nei, simsangj raixcaix. De baez ndiu couh naengh hwnjdaeuj, ngawh yaep he, lumjbaenz cingq naemj swhgeij baenzlawz ninz youq gizneix. Roxyiuj dwg caensaed le, de biengj riep roengz mbonq, daenj buhninz ok baihrog bae.

Baez hai dou de couh raen Suh Niuz vangz ninz youq bakdou——De lij daenj buhhenj dwkgiuz 19 hauh, yungh daehndaij demh gyaeuj, loengxceij demh ndang, ninz gyaenfofo, yawj hwnjbae daengx haemh cungj ninz gizneix. Sinj Nwgznwngz mbouj siengj heuh de ndiu, couh laeglemx daj gwnz ndang de hamj gvaqbae.

Rog diengzcien miz aen diegbingz he, cingq dak diuzgunz caeuq buhdaenj Sinj Nwngznwngz haemhlwenz vuenh haenx, cingjcaez youh singjda, lumj fanman venj youq bakdou bouqdiemq nei bibuengq. Song mbiengj diegbingz dwg song aen dou nyaeq yungh mbok guh baenz haenx, muengxgiuz hix dwg yungh duk gocuk san. Geij cib duzgaeq youq ndaw diegbingz doxgyaep, lumj bouxdwkgiuz nei buet bae buet dauq. Mbiengj dougiuz he miz aen fazdunggih he, gwnz gonj rin loet henz fazdunggih nda aen densi cezsouhgi lumj aen rek nei. Miz gij doxgaiq neix le, Veiz Yindonz caeuq Suh Niuz ndaej dwkgiuz youh miz densi yawj. Yienznaeuz dwg nungzminz, gyoengqde hix miz gij siengjmuengh ndei swhgeij.

Sinj Nwngznwngz duenhdingh swhgeij youq gizneix gig ancienz. Veiz Senh gyau de hawj song gobiuj nuengxbiuj neix guenj, yienzaen dwg gyau hawj gyoengqde ancienz, gyoengzde dwg bouxvunz ceiq saenq ndaej gvaq he.

Hoeng youq diegbingz caeuq henz diengzcien cix mbouj raen Veiz Yindonz, hix mbouj raen song duz ma haenx. Caenh miz Suh Niuz boux lij ninz ndaek caenfofo haenx hen ranz.

Suh Niuz gig vaiq couh ndiu lo. De raen Sinj Nwngznwngz youq diegbingz byaij bae byaij dauq, doeksaet lo, de nyinhnaeuz swhgeij mbouj hen ndei, couh yaek hoenx fajnaj swhgeij lo. De buet gvaqbae caeuq Sinj Nwngznwngz naeuz doiq mbouj gvaq:“Cejsinj, gou ninz haemh lai, mbwn rongh le cij ninz ndaek, mwngz hwnq gou cungj mbouj rox. Doiq mbouj gvaq Cejsinj.”Gangj sat de gipmuengz daek raemx hawj Sinj Nwngznwngz cat heuj swiq naj.

(2)

结果是，苏牛在巅峰的时候摔跤了，人和行李差点坠入百米深的悬崖。

韦运团和沈能能闻声往后看。韦运团看着命悬一线的表弟，跑过去把他拉上来后，冷冷地说，见鬼了你。

沈能能在问了苏牛伤没伤着之后，奇怪地说，你一个山里人，走山路也摔跤，还不如我，奇怪了。苏牛羞愧地低着头，说我表哥讲得对，我见了神仙了。

沈能能现在落座的是一把靠椅，因为椅子舒适和气候凉快了的缘故，她舒服地看着两个托管她的男孩。她已经知道两人是表兄弟，但是是怎样的表兄弟还不清楚。他们和韦先究竟是什么关系？

“我爸爸是我叔叔的哥哥。”韦运团说，他似乎猜出了沈能能的心思。

“我妈妈是我舅舅的姐姐。”苏牛说。

沈能能想了一会，“就是说，韦先，”她指韦运团，“是你爸爸，”又指苏牛，“和你妈妈的，弟弟？”

韦运团和苏牛没有点头，也没有答应。两人的神情都有点绷紧，看得出来是不愉快。沈能能直呼了他们叔叔和舅舅的姓名了。

沈能能并不觉得两人不高兴，或不知道他们为什么不高兴，又问：“阿团，你今年多大？”

韦运团说：“二十二。”

沈能能又问苏牛：“小牛，你呢？”

苏牛说：“也二十二，但比表哥小三个月。”

沈能能说：“我比你们大三岁，二十五。叫我姐姐没错。”她自重地把超短裙抻了抻，“哦对了，我叫沈能能。沈阳的沈，能力的能。两个能一样。”

韦运团和苏牛没有反应，似乎对沈能能的年龄和名字不感兴趣。两人木木地站了一会，韦运团对苏牛说：“你去做饭还是铺床？”

苏牛想了想，说：“铺床。”

2

沈能能一大早就醒了。

应该说，她是被鸟叫唤醒的。山上至少有一百种鸟，像是志同道合的音乐人，纷纷来到砖棚的周边，开起了音乐会。盛大的交响乐喧天动地，必然使熟睡的沈能能觉醒了。在城市里，能让沈能能这么早醒早起的事情是不常有的，除了赶飞机或来例假。尽管是早醒，今天沈能能却不觉得困，也没有了睡意。她当然还不知道这是山上负氧离子的作用。在简陋的砖棚里和坚硬的床上，她居然有了一次高质量的睡眠，就像高质量的性爱一样，让她爽快和充实。她一醒就坐起来，只是愣了愣，似乎是在想自己是怎么睡在这里的。在确定是怎么回事后，她掀开蚊帐下床，穿着睡衣外出。

打开门她便看到了横卧在门口的苏牛——他仍然穿着19号黄色球衣，用麻袋当枕头，纸箱为席，还睡得沉香，看来就是在这里过的夜。沈能能不想叫醒他，便轻轻从他身上跨了过去。

砖棚外的小坪坝醒目地晒着沈能能昨晚换下的衣裙，像店铺的旗幡一样招摇。坪坝的两端是两个竹筒制作的小球门，球网也是竹篾编织的。几十只鸡在坪坝上奔跑追逐，像球员一样争先恐后。其中一端球门的附近安放着一台柴油发动机，发动机边上的巨石架设有锅形的电视接收器。这些陈设表明韦运团和苏牛两个表兄弟的体育文化生活并不缺乏。他们是有良好爱好或追求的农民。 这样的判断让沈能能感到安全。当然韦先把她交给这两表兄弟托管，首要原因是交给他们安全，这是值得信任的人。

然而现在坪坝和砖棚的周边却看不见韦运团，那两条狗也不在场。那么充当看家护人角色的就是还在梦乡的苏牛。

苏牛很快也醒了。他看到在坪坝上溜达的沈能能，一副吃惊和自责的神色，就差没打自己的脸。他跑过来跟沈能能赔不是，说：“沈姐姐，我睡得太晚了，天亮了才睡着，你起床了我都不晓得。对不起沈姐姐。”他说完急忙去端水伺候沈能能洗漱。 （2）