Hot Daihngeih——Swz Dieg Cuengqsauq

第二首——告别哨位

Daengz rumz seizcou cifozfoz

Gou baez ceiq laeng byaij hwnj dieg

cuengqsauq

Cungq, gaemh youq fajaek gig maenh

Gamjcingz youq ndaw da myigmyanz

Mbouj dwg raemxda ronghrik

Naemj seiz hanh conh lumj fwn doek roengz

Got gop ndit he

Gij ndwenngoenz lumj sei nei

Youq ndaw fwngz gou wenj saek loeg

Vadinghyangh hai lo

Vadinghyangh loenq lo

Gij saedceij nanz bae hai bak gangj swz

Gij loh iq henz dieg cuengqsauq

Hawj ndaejgeiq baenzciuh hom caez

Gij dohraeuj fagcungq

Dwg dohraeuj gaiq lwed

Gij congh linq gwnz cungq rongh’ii

Haenx dwg hoenz vunz

Doeklaeng lai bi

Boux vunz fwngz gaem fag cungq neix

Youq haemh ronghndwen rongh caemh-

caiq ndaundeiq noix

Itdingh rox roxnyinh daengz baihlaeng

bakcungq

Doiq da singjgaeh haenx

Vuenh gangj lo

Nyinhcaen dwk hawj mwngz fagcungq

Beixnuengx gou simgyaez

Doeklaeng

Gingq aen ginhlaex he

Raemxda gou

Con gvaq seizgan caeuq lizgyae

Caeuq gyoengqsou

Ciengxlwenx gyoepcomz youq dieg he