7 nyied 11 hauh banhaemh, bi 2016 Cingsih cauxlaeb minzcuz doxgiet sifan si vwnzyi cunzyienj daengz ginhyingz Lungz- bangh Benhfangz Genjcazcan guh yienjok.

Vanjvei geizgan, moedlaenz Boux- cuengh 《Minzcuz Doxgiet Va Hai Gyaeu》、 gagciengq 《Mwngz Ndei Guekcoj》caeuq diuqfoux Bouxcuengh 《Fwen Vuenyungz》 daengj cezmuz ndeiyawj laebdaeb yienjok. Linghvaih, guenbing genjcazcan hix hwnjdaiz yienj siengqsing 《Gojyinx Henz- guek Genjcaz》, yienh’ok le gij heiqsik minzcuz doxgiet henzguek ginhyingz.

Ciuq cam rox, baez cunzyienj hozdung neix Cingsih Si cujciz doihyienjheiq dangdieg, bae gak yanghcin、 mbanj minzcuz doxgiet cinbu sifan caeuq bingdoih guh cauxlaeb minzcuz doxgiet cinbu sifan si vwnzyi yienjok.

(Cangh Dwzgan/张德干)