7 nyied 15 hauh, Lenzhozgoz Gyaugohvwnz Cujciz Seiqgyaiq Yiz- canj Veijyenzvei Gaiq Daih Seiqcib Veiyi youq Dozwjgizyihswhdanj- buwj banh haenx, vwnzva gingjgvanh vehbangxdat Byaraiz Cojgyangh Cungguek ndaej swnhleih liedhaeuj seiqgyaiq yizcanj mingzloeg. Seiq- gyaiq yizcanj cungjsoq guek raeuz gaenq daengz 49 dieg, laebdaeb baumaenh diegvih lingxdaeuz seiq- gyaiq daihngeih.

Vwnzva gingjgvanh vehbangxdat Byaraiz Cojgyangh youq Guengjsae Cungzcoj, youz 3 aen gizdieg vwnzva gingjgvanh vehbangxdat maedcomz、 ceiq miz daiqbiuj haenx gapbaenz, baugvat 38 aen diemj vehbangxdat (gungh 109 dieg vehbangxdat, 4050 aen dozsiengq), gij bya veh veh- bangxdat caeuq gij dieg doiqmienh, nem ranghdieg Dahcojgyangh、Dah- mingzgyangh daih’iek 105 goengleix haenx, mienhcik itgungh 6621.6 gunghgingj,

Seiqgyaiq Yizcanj Veijyenzvei nyinhnaeuz, vwnzva gingjgvanh veh- bangxdat Byaraiz Cojgyangh baij- yienj gij gingjgvanh caeuq rindat yisuz daegbied, sengdoengh dwk yienh’ok gunghyenz gonq 5 sigij caeuq gunghyenz 2 sigij geizgan, gij cingsaenz saedceij caeuq gwnzbiengz saedceij vunzloegvet geq youq ranghdieg henz Dahcojgyangh. Neix dwg seizneix doiq gij conzdungj neix dandog guhcingq.

(Vangz Gyoz Bangz Gwzbingz)