7 nyied 1 daengz 3 hauh, Sanglinz Yen Cinhih Yauzcuz Yangh Baizhungz Cunh Mbanjbaizbya nauhyied raixcaix, beixnuengx Mbanjyauz ciengq go diuq foux, yungh gij minzsuz hozdung ndawbiengz miz Yauzcuz daegsaek haenx angqhoh “cietdaxnuj”, yinx ndaej bouxhek ndaw gih rog gih fanh boux doxhwnj daeuj yawjngonz.

Hozdung geizgan, biujyienj baenzgya fungsug daegsaek Yauzcuz、 doiq fwen、 ngaizbakranz Mbanjyauz、biujyienj fungcingz gofoux Yauzcuz、 dongfeiz vanjvei Mbanjyauz daengj cezmuz ndei yawj, baijyienj gij yinxdaeuz minzsuz hozdung ndawbiengz, hawj bouxyawj yawj dwk da cungj mbouj yaep. “Cietdaxnuj” fungsug baijyienj le gij yinxdaeuz vwnzva Yauzcuz, fatyiengz le gij daudwz ndei beksingq Yauzcuz, doengzseiz hix yienh’ok beksingq Yauzcuz gyaez saedceij, muengh gouz gvaq saedceij ndei, coicaenh le minzcuz doxgiet caeuq ndawbiengz hoenghvuengh hwngfat.

(Lij Dauyungj/李道永)