7 nyied 9 hauh(liggaeuq ndwenloeg coloeg), cienzgangj dwg ngoenz lungzvuengz dak buhlungz, Lungzswng Gak Cuz Swciyen Lungzciz Cin Dacai Cunh banh “cietdakbuh” moix bi gvaq baez haenx, dangdieg mehmbwk Hungzyauz dawz ndangdaenj minzcuz ronghsagsag venj youq rog ranz dak, gaj doeg gaj non baet heiqcuij. Dangdieg beixnuengx Hungzyauz lij guh roi byoemraez、 “ram magim” soengq hohfuk、 ndangdaenj Hungzyauz gyagoeng、 cizdij baenzgya daengj baenzdauq hozdung gig miz minzcuz daegsaek dem, yinx ndaej baenz fanh bouxhek ndaw guek rog guek daeuj yawj dangdieg minzcuz fungcingz lai yiengh.

(Veiz Gizyangz/韦吉阳  Vuz Swnghbinh/吴生斌)