Bineix doxdaeuj, Lungzanh Yen gig yawjnaek hong cuengqingj denyingj vah minzcuz， guh lajmbanj goeng’ik denyingj cuengqingj hoz- dung doengzseiz, haiguh Lungzanh Yen “bak ciengz denyingj Vahcuengh haeuj gihcwngz” goeng’ik cuengqingj hozdung. Daengz 6 nyied 28 hauh, gungh cuengqingj benqgojgaeq vah minzcuz 249 ciengz、 gohgyau ingj- benq 287 ciengz, cuengqingj ciengz- baez mauhgvaq dajsuenq cuengqingj yinvu, bouxyawj daengz 57320 vunzbaez.

Cuengqingj hozdung seiz, Lungz- anh Yen roengzsim senj benq cuengqingj, senj le buek denyingj ndei soengq daengz gak mbanj cuengqingj, lumjbaenz 《Singcungq Diegbingz》《Laizfuz Laizfuz》《Diegnamh Laj- mbanj Riuzcienj》 daengj, ingjbenq neiyungz depgaenh saedceij vunzlai dangdieg, daezcaiz fungfouq, ndaej daengz vunzlai haengjgyaez.

Yamqlaeng, Lungzanh Yen yaek aeu gij maqmuengh caeuq aeuyungh vunzlai doiq denyingj Vahcuengh Lungzanh haenx guh guhhong doenghlig, gvaqlaeng yaek haekfug hojnanz, roengzsim senj denyingj Vahcuengh Lungzanh engq lai engq ndei soengq daengz gak mbanj cuengqingj.(Veiz Yinjsenz/韦尹璇)