6 nyied 29 hauh, Dava Yauzcuz Swciyen Bwzgingj Cin Banjlanz Siujyoz ndawhag singgo haprwenz. Gyoengq beixnuengx Yauzcuz daenj buhvaq minzcuz, youh ciengq youh diuq, doj gaeq doj roeg, angqhoh conzdungj cietndei moix bi gvaq baez haenx.

Cietcuzcu dwg aen ciet conzdungj Bunujyauz, ngoenzciet hozdung lai cungj lai yiengh, doenggvaq ciengq go cojcoeng hawj beixnuengx aen minzcuz neix mbouj lumz gyaenanz lizsij caeuq conzdungj ronghda. Hozdung seiz, beixnuengx Banhyauz daenj buhvaq minzcuz ronghsien moqsag ciengq go diuq foux, youq gwnz daizheiq yienj gij saedceij ciengzgingj ceiq gyaeu Yauzcuz. 《Fwen Gingqlaeuj》 《Cingz Byayauz》 daengj gofoux, baijyienj le vunz Mbanjyauz saedceij gvaq ndaej yied daeuj yied ndei, ndaej daengz bouxyawj bekfwngz haenhndei.

(Cinz Dayungj/陈大勇)