Mboengqneix, youq Lungzswng Gak Cuz Swciyen Bingzdwngj Cin Gvangjnanz Cunh lungz fiengz saeceij fiengz swnjcienz hagsib gihdi, swcigih gaep “feihyiz” daibyaujsing bouxswnjcienz Vangz Yiz cingq san guh gunghyibinj. Vangz Yiz baengh gij dinfwngz lekndei, yungh fiengz haeuxcid guh cujyau caizliu, caiq yungh faexcuk、gaeu、 faexdiuz iq daengj guh bangbouj caizliu, yungh san、cap、sieng daengj cib lai cungj dinfwngz san guh lungz fiengz、saeceij fiengz、vaiz fiengz、 Ranzdung laeuzgyong daengj gunghyibinj, baenz le “canghheiq ndawbiengz” dangdieg gyae’gyawj okmingz. Gij gunghyibinj de gai bae daengz ndaw guek rog guek, baenz le gij doxgaiq yoce haujlai yisuzgyah.

(Banh Cisiengz/潘志祥)