Ngoenzneix dwg ngoenzseng mwngz

Dangj a, daxmeh ndeigyaez

Gou yaek ciengq souj go he hawj mwngz, veh fuk veh he

Lij aeu caeuq mwngz gangj vah ndawsim

Gou yaek ndwn youq dingj ranz ciengq go

Ranz diegcoj gaenq dauqcungz guh gvaq

Gou yaek ndwn youq ndaw naz ciengq go

Haeuxmienh gaenq fungsou, haeuxyangz cingq majhung

Gou yaek ndwn youq dingj bya ciengq go

Hawj byadah guekcoj dingqnyi

Gizneix fanzyungz caeuq huzndei dangqmaz

Gou yaek veh najriu ndaw singz bouxvunz

Youq gvangjcangz, youq ranzyouq

Youq gwnz roen hwnj roengzban, youq gyanghaet caeuq banhaemh

Gou yaek veh fwjhau caeuq mbwnlamz

Veh ngamq doek fwn liux mbwn rongh miz duz doengz he gig gyaeundei hawj

mwngz yawj

Gou lij yaek veh fuk veh ndeu

Baihgwnz dwg rizdin coh naj bouxvunz guek raeuz dwgrengz nyinhcaen dwk bae

saedyienh siengjmuengh Cungguek

Ngoenzneix dwg ngoenzseng mwngz

Dangj a, daxmeh ndeigyaez

Aencingz mwngz lumj haij nei laeg

Aencingz mwngz beij mbwn lij gvangq

Youq miengnaeuz seiz, gou lae roengz gij raemxda gikdoengh

Moix aen cih cungj gaek youq ndawsim gou

Haenx dwg cungj cungcig caeuq giendingh itcig daengz yaek dai

Dangj a, daxmeh ndeigyaez

Mwngz laebdaeb dazyinx raeuz youq gwnz roen minzcuz fukhwng coh naj

buetrobrob

Gou lumjbaenz gaenq yawjraen ronghsag ngoenzcog

Ngoenzneix dwg ngoenzseng mwngz

Dangj a, daxmeh ndeigyaez

Gou lumj boux lwgnyez he yaek majhung nei

Simdam dwk ndoj youq ndaw rungj mwngz, ancingh dwk ninz