2. Gag dingh doxaeu

Liuzsaez:

Ngoenzneix caiq doxbungz,

Miz maz go couh gangj,

Sam ndwen mbouj doxraen,

Vah gaeuq gaej hai bak.

Goenglungz:

Goleux hai va maeq,

Go’nyaeq mbungqmbaj ciuz,

Daeggo rim dungx vah,

Couh lumj Dahdazgaih,

Dazgaih ngutnyeuj bya gungq lai,

Nuengx siengj gwn gungq mwngz couh

naeuz,

Raeuz daengz laj dah lumh gaeuq bae.

Liuzsaez:

Gou siengj roengz dah caeuq go lumh,

Youh lau oen dumh gaz dinvaq,

Dah laeg bing yax go mbouj gangj,

Fanj daenj haiznyangj bae lumh gungq.

Goenglungz:

50 daengz naj dam gwn ndei,

Seiqgeiq cingh naemj gwn gajndei,

Cae naz couh siengj ndaej gwn haeux,

Nyaux daeuh couh niemh ndaej gwn

ceiz,

Gyaez nuengx couh siengj guh gvan-

baz,

Caemh mbonq caemh swiz caemh-

gwndaenj.

Liuzsaez:

Daeggo bakyouz youh bakraeuz,

Duzroeg hawj de yaeuh daengz laj,

Gaxgonq gietsim lij caiq haq,

Deng de gangj daengz youh mbouj

siengj,

Daeggo danghnaeuz gangj caencingz,

Dahnuengx caeuq mwngz giet yaem-

yieng.

Goenglungz:

Daeggo gangj vah dwg caencieng,

Raeuz neix diemj yieng lwnh bouxsien,

Cien bi fanh bi dwg gvanbaz,

Dah hawq rin yaet mbouj bienqsim,

Mieng gvaq daj neix cij gyaez mwngz,

Cien gyae fanh gyae mbouj cuengq-

fwngz.

Liuzsaez:

Lau go lumj go’ndoek,

Caenh genghgoek gag soh,

Baez ndaej max daeuj ret,

Couh ndek youq ndaw loengz,

Ndwn youq va baecongz,

Couh yawj nuengx guh boengz.

Goenglungz:

Daeggo dwg gocoengz,

Ndwn dwk dingj nae hung,

Mboujguenj rumz naeuz nae,

Dimz dai lij lix heu.

Ngoenzneix baenz gvanbaz,

Yidaeq guh goengcingq,

Mbouj gouz doengz ndwen doengz

ngoenz seng,

Cij muengh doengz ndwen doengz

ngoenz dai,

Haij hawq rin yaet mbouj bienqsim,

Danghnaeuz bienqsim byaj couh bag.

3. Gyaep okdou

Daegsaez:

Daxmeh mwngz bae lawz,

Bouxboux gangj mwngz haeu,

Naeuz mwngz ma dajsauq,

Rieng raez gvaq bakcauq,

Lij dauqma guh maz.

Mbouj youq ranz yietnaiq,

Okbae baek ngaiz gengx,

Haih lwg youh haih lan,

Deng daengx mbanj dacaengz.

Yah Daegsaez:

Daxmeh baenzneix ndauq,

Doiq mwngz baenzneix ndei,

Cix louz mbouj ndaej mwngz,

50 lij baehaq,

Max laux gaqcibcih,

Daengx ndang cungj dwg cuij,

Danghnaeuz lij doxma,

Daengx mbanj doengjnyouh caj,

Dou mbouj saj vunz saj.

Lwg Daegsaez:

Aenvih gou mbouj gvai,

Daxbuz deng gwn cai,

Ngoenzcog gou maj hung,

Cawx noh hawj daxbuz,

Yaeuh daxbuz dauqma,

Caeuq lwglan guhcaemz,

Gaej bae caeuq mougo.（caengz sat）