Caeuq limqva mwngz doxyawj,

Simcingz gou sikhaek lumj mbwn

lamzatat hawj byawz swiq gvaq nei.

Geu buh mwngz lumj dahsien daenj

ndaej mbouj ndaej ciq hawj gou?

Lae youq ndaw fwj hausaksak lumj ceij,

Yaek dwg hot sei ndeu ciengxlwenx

mbouj rox doiqsaek.

Caeuq mwngz simva doxyawj,

Gij hom dujva humx dwk gyanghaemh

laegcaem,

Sing go mwngz ciengq heux youq ndaw

mbawfaex heusausau,

Mbouj miz saek di rumz ci gvaq,

Hoeng gingsingj gyoengq duzrwi caeuq

duzmbaj fangzhwnz,

Gyoengqde menhmenh byaij gvaqdaeuj

hoz dwk gingheij seizhah.

Caeuq mwngz mbawva’ngaeux doxyawj,

Fanzyou gwnzbiengz couh bienq ndaej

gig mbaeu.

Gaiq gen mwngz yienznaeuz iq cix

gingz ndaej hwnj gij naek cien gaen,

Mbouj miz saek coenz vah’ienq,

Aenvih yaek gyaeundei couh wnggai

rap ndaej hwnj,

Couh suenq gwnz lae maj ngawhrin, va

byaiz, rumz gyoet hix daeuj daengz.

Caeuq reuqroz mwngz doxyawj,

Doengngoenz banhaemh laux hix rox

longxriu,

Dohraeuj haeksat dwg daengx din ceiq

ndei,

Hoeng uet mbouj bae gaxgonq lumj sei

nei lengj,

Cij gangj:

Va’ngaeux gaenq laux, caemrwd youq

gwnz gyangh seizcou heux.

Mbouj lumz:

Ce mbawngaeux daeuj dingq sing

ndikfwn doek roengz.

Caeuq mwngz doxyawj,

Nyinhcaen dingq mbouj ndaej gaenj- muengz lizbae!