6 nyied 17 hauh, 2016 nienz Yungzanh Yen cazyawj henzgyawj vunzlai “seiq rumz” caeuq nduknaeuh vwndiz cienhangh vwnzyi yienjok youq aen yienh neix Fouzsiz Cin gvangjcangz banh, doengzseiz, yen giveij、 genhcazgiz、 fuzbinzban daengj 15 aen danhvei haiguh caebcomz senhconz hozdung, senhconz gak cungj cwngcwz leih minz, fatcuengq fanj nduknaeuh canglenz senhconz swhliu, yienhciengz ciepdaih vunzlai cam vwndiz, daezsang roxyiuj hong cienhangh cazyawj “seiq rumz” caeuq nduknaeuh vwndiz.

Aen yienh neix doenggvaq vwnzyi yienjok, yungh cungj fuengsik vunzlai haengj dingq gyaez yawj haenx senhconz gij cwngcwz leih minz caeuq gij gietsim fanj nduknaeuh canglenz dangj, hawj vunzlai daj yienjok caenciet roxnyinh gij cingzgoj cienzmienh daj yiemz ceih dangj; ciendaez vwnzyi yienjok, cezmuz cunzyienj dingzlai dwg yungh gij caizliuh dangdieg, hawj dangdieg vunzlai gag bien gag yienj, cunzyienj gungh anbaiz cezmuz 90 lai aen, miz 300 lai boux beksingq yenjyenz camgya yienjok.

(Danz Gaijhingh/谭凯兴 Cangh Siu- lanz/张秀兰)