6 nyied 15 hauh, Daih Cibbet Gaiq Cunghyangh Houbuj Veijyenz、 Guekgya Minzveij fucujyin Lij Canghbingz daiq doih daengz Dwzbauj Yen haiguh hong dinghdiemj bangrex diuyenz.

6 nyied 15 hauh banringzgvaq, diuyenzcuj bae daengz gizdieg Guekgya Minzveij bangcoengh hwnj- guh, Cwngzgvanh Cin Yinzdih Cunh Mbanjnazdunz aen mbanj saujsu minzcuz miz daegsaek haenx, cam hanghmoeg hwnjguh cingzgvang. Gvaqlaeng youh daengz Duh’anh Yangh Lingzleiz Cunh Mbanjlingzleiz yawj nai ranzgungzhoj, cam vunzlai swnghcanj saedceij caeuq gyaranz ginghci souhaeuj cingzgvang nem gij hojnanz saedsaeh aeu yungh gaep baihgwnz bang gaijgez haenx, gujli gyoengqde laeb gagsaenq vut gungz baenzfouq, lij soengq cienz caeuq doxgaiq hawj gyoengqde, hawj gyoengqde roxnyinh daengz gij raeuj caeuq gvansim dangj. Lij Canghbingz lij caeuq gihcwngz ganbu vunzlai、 youqmbanj daih’it suhgi naenghdamz, roxyiuj gij cingzgvang hong cingcinj bangrex, caeuq caezgya doxyaeng banhfap vut gungz.

16 hauh banhaet, youq Dwzbauj Yen hai aen hoih bauqlwnh hong vut gungz gunghoj Guekgya Minzveij dinghdiemj bangcoengh Dwzbauj Yen, Lij Canghbingz dingq le gij bauqlwnh Dwzbauj Yen “cibngeih haj” hong bangrex cingzgvang nem gij hojnanz caeuq vwndiz “cibsam haj” aeu yungh Guekgya Minzveij bangcoh boiqhab gaijgez haenx. Lij Canghbingz nyinhnaeuz Dwzbauj Yen hong haifat bangrex netsaed doicaenh, banhfap hableix, aeundaej gij cwngzgoj gig ndei. Guekgya Minzveij yaek laebdaeb gaem ndei hong dinghdiemj bangrex, maq- muengh aen yienh neix dangjveij cwngfuj laebdaeb haeujcoengh caeuq boiqhab.(Nungz Yungjfang/农永放)