6 nyied 6 hauh, Lingzyinz Yen Cungjgunghvei caeuq Guengjsae Langfuz Caznieb Gujfwn Youjhan Gunghswh Gunghvei lienzhab banh bouxndaemcaz hongfwngz doxdax dinfwngz mbaet caz guh caz, miz 100 lai boux senjsouj bauqmingz camgya doxdax mbaet caz guh caz.

Aendoih camgya doxdax mbaet caz haenx, iugouz yungh 2 diemjcung, aeu gij caz soqliengh caeuq cizliengh aendoih camgya mbaet caz mbaet ndaej haenx daeuj bingzdingh baizmingz. Aendoih camgya guh caz hix dwg ciuq 2 diemjcung guhsat donjmaj、 nunaenj、 gangqhawq daengj cwngzsi, doeklaeng bingzveij aeu gij caz gak doih guh ndei haenx, beij gij saek、 rang、 feih daengj bingz ok baizmingz.

(Siuh Fazlingz/肖发凌)