6 nyied 10 hauh, Majsanh Yen Lijdangh Yauzcuz Yangh banh laeb- baenz 20 hopbi angqhoh hozdung, yanghging hozdung aeu “langhbaij gij cingzcik Yauzyangh hwngfat, hwnjguh Lijdangh gyaeundei huzndei” guh cawjdaez, gaengawq gij yenzcwz “hoenghhwd、 nauhyied、 mbaetyungh、 saedguh”, haiguh laebbaenz 20 hopbi soengqlaex gunghcwngz hanghmoeg haihong sathong yizsi、 angqhoh daihhoih、 Yauzcuz minzsuz vwnzyi comzyienj、langhbaij gij cingzcik laeb yangh 20 hopbi hwngfat daengj hozdung lai cungj lai yiengh, cungfaen langhbaij youq gij minzcuz cwngcwz dangj ronghlwenq lajde, gij cingzcik Yauzcuz Yangh ginghci ndawbiengz hwngfat aeundaej haenx, doed ok le minzcuz vwnzva caeuq daegsaek dangdieg minzcuz lai cungj lai yiengh, yienh’ok Yauzcuz Yangh gak minzcuz ndawbiengz vanzging huzndei doxgiet caeuq gij cingsaenz yienghsiengq gaenxmaenx doxhwnj.

Namzningz Siveij、 Si Cwngfuj nem Swcigih mizgven bouhmonz gig yawjnaek hwnjguh Gujcai Yauzcuz Yangh, siveij、 si cwngfuj bued roengz ngaenzcienz cienhangh 1000 fanh maenz, Swcigih Minzveij anbaiz 90 fanh maenz haeujcoengh Yauzyangh hanghmoeg hwnjguh. Ngoenzhaenx angqhoh daihhoih, Swcigih Minzveij Cukhohdonz donzcangj Veiz Siucingh caeuq Namzningz Si Daiqbiujdonz donzcangj Yungz Ganghse cukhoh Yauzcuz Yangh laebbaenz 20 hopbi, haengjdingh le 20 bi doxdaeuj, Lij- dangh Yauzcuz Yangh gak cuz ganbu vunzlai nyinhcaen gvancez lozsiz minzcuz cwngcwz dangj, ciengjgaem seizndei, gaijndei swnghcanj saedceij diuzgienh, daezsang saedceij suijbingz, roengzrengz hwnjguh aen Yauzyangh moq ginghci hwngfat、 ndawbiengz onjdingh、 minzcuz doxgiet he.

(Liuz Sejbingz/刘雪萍)